Qazaqstanda internet alaiaqtyqpen kúres maqsatynda arnaiy jedel-tergeý toptary quryldy.
Bul týraly QR IIM Kriminaldyq politsiia departamenti kiberqylmysqa qarsy kúres ortalyǵy basshysynyń mindetin atqarýshy Rústem Dúisetaev málim etti, dep habarlaidy QazAqparat.
«Qazirgi tańda azamattardyń aqshasyn aldaý jolymen zańsyz iemdený - qylmystardyń eń kóp taraǵan túri. Atalǵan qylmys túrimen kúresý elimizde jáne búkil álemde ózekti máselelerdiń biri. Memleket basshysy ótken jylǵy Qazaqstan halqyna joldaýynda alaiaqtyq qylmystarǵa qarsy naqty sharalar qabyldaý kerek ekenin atap ótken edi», - Rústem Dúisetaev ministrlikte onlain ótken baspasóz máslihatynda.
Onyń aitýynsha, alaiaqtar adamdardy aldaý úshin túrli amaldardy qoldanady, sol sebepten atalǵan qylmystyń sany jyldan jylǵa kóbeiip barady.
«Internet alaiaqtyqpen kúresý jolynda ministrlikte tiisti sharalar qabyldanyp jatyr. Ótken jyldan bastap kibershabýylǵa qarsy baǵdarlama iske qosyldy. Sol sekildi óńirlerde jedel-tergeý arnaiy toptar quryldy. Odan bólek, ár toqsan saiyn jedel profilaktikalyq sharasy uiymdastyrylyp turady», - deidi ol.
