Qazaqstanda informatika páni 1 synyptan bastap oqytylýy múmkin. Bul týraly búgin «Digital Bridge» halyqaralyq innovatsiialyq forýmda QR Premer-Ministri Baqytjan Saǵyntaev aitty, dep habarlaidy QazAqparat tilshisi.
Forýmnyń tsifrlyq ekonomikany damytýdyń jahandyq trendteri talqylanǵan jalpy otyrysynda Estoniia Premer-Ministri Iýri Ratas óz elinde robototehnika 1 synyptan bastap balalarǵa oqytylatyndyǵyn atap ótti.
«Menińshe, bilim berý bul innovatsiianyń barynsha mańyzdy elementi sanalady. Máselen, Estoniiada bizdiń balalarymyz birinshi synyptan bastap robototehnikany oqidy. Bul óte tanymal pán», - dedi Iýri Ratas.
Óz kezeginde QR Premer-Ministri Baqytjan Saǵyntaev Estoniianyń mundai tájiribesine qyzyǵýshylyq tanytty.
«Estoniiada birinshi synyptan bastap robototehnikany oqytýy óte keremet. Biz informatikany 7 synyptan bastap oqyttyq. Barlyq ýaqytta 7 synyp oqýshysy oqytýshysynan kóp biletindigin aityp kelemin. Biz baǵdarlamany ózgerttik jáne búginde informatika úshinshi synyptan oqytylady. Qazir Estoniia Premer-Ministriniń sózinen keiin bizde oilanatyn bolamyz, 3-inshi synyp ta keshteý siiaqty», - dedi QR Úkimet basshysy.
Aita keteiik, forýmnyń tsifrlyq ekonomikany damytýdyń jahandyq trendteri talqylanǵan jalpy otyrysyna qatysqan Premer-Ministr «Digital Bridge» úlken bailanystar jasalatyn alańǵa ainalatyndyǵyn, Qazaqstan tek qana tsifrlyq kún tártippen ómir súrip jatqanyn aitqan edi.
Digital Bridge - Qazaqstandaǵy biylǵy jyly ótip otyrǵan basty innovatsiialyq oqiǵa.
