Keler jyly elimizde álemdegi eń bai adamdardyń biri Ilon Mask basqaratyn kompaniianyń spýtniktik interneti synaqtan ótkizilmek. Bul týraly QR Tsifrlyq damý, qorǵanys jáne aeroǵarysh ónerkásibi ministrligi aeroǵarysh komitetiniń tóraǵasy Baýbek Oralmaǵambetov málim etti, dep habarlaidy QazAqparat agenttigi.
Ortalyq kommýnikatsiialar qyzmeti alańynda ótken baspasóz máslihaty barysynda tilshi: «Qazaqstandyqtardy sapaly internetpen qamtý maqsatynda AQSh milliarderi Ilon Masktyń kompaniiasymen kelisim qalai júrip jatyr? Elimizde atalǵan kompaniianyń spýtniktik internetin testileý jumysy bastaldy ma?», - degen suraq qoidy.
Suraqqa QR Tsifrlyq damý, qorǵanys jáne aeroǵarysh ónerkásibi ministrligi aeroǵarysh komitetiniń tóraǵasy Baýbek Oralmaǵambetov jaýap berdi.
«Búginde elimizdegi spýtniktik internet jáne televiziialyq taratýdy «KazSat-2» jáne «KazSat-3» spýtnigi qamtamasyz etip otyr. Qazir álemde zaman talaby men suranysyna sai sapaly jáne joǵary jyldamdyqtaǵy internet usynatyn kompaniialardyń qatary kóbeiip keledi. Jalpy sapaly internet týraly áńgime qozǵaityn bolsaq, onymen ainalysatyn búginde álemde 3 iri kompaniia bar. Ol One Web, SES jáne Starlink (SpaceX) kompaniiasy. Biyl elimizde One Web kompaniiasymen birlesip 2 ret tehnikalyq turǵydan testileý júrgizdik. Iaǵni interttiń jyldamdyǵy men tehnikalyq sáikestigin synaqtan ótkizdik. Bul baǵyttaǵy jumys pilottyq joba retinde jalǵasa beredi», - dedi B. Oralmaǵambetov.
Onyń aitýynsha, 2022 jyly Qazaqstanda jańa spýtniktik internet qyzmeti synaqtan ótkiziledi.
«SES» týraly aitar bolsaq, bul kompaniianyń spýtniktik internet qyzmetin Almaty oblysynda synaýdy taiaýda ǵana bastadyq. Búginde synaq jalǵasyp jatyr. Starlink kompaniiasyna kelsek, ol boiynsha keler jyldyń birinshi toqsanynda pilottyq joba retinde elimizde iske asyrý jospary tur. Búginde atalǵan kompaniiamen kelisimge kelip jatyrmyz. Odan ári júzege asyrylyp jatqan pilottyq jobalardyń nátijesi men kórsetkishine qarai naqty sheshim qabyldanatyn bolady» - deidi ol.
