Foto: elements.envato.com
Ǵylym jáne joǵary bilim ministri Saiasat Nurbek Qazaqstanda ǵylymi kadrlardyń jetispeýshiligi týraly aitty, - dep habarlaidy Tengrinews.kz agenttigi.
Ministrdiń aitýynsha, ýniversitetter ǵylymi kadrlardyń qainar kózine ainalýy tiis.
"Qazir bizde ǵylymi kadrlar jetispeidi. Táýelsizdiktiń basynda 52 myńǵa jýyq ǵalym bolsa, 35 myń ǵylymi qyzmetkerden aiyryldyq. Qazir ǵylymi-zertteý institýttary men ýniversitetter bazasynda 22 myń ǵylymi qyzmetker jumys isteidi. Bizdiń endigi mindetimiz - jastardy ǵylymǵa tartý", - dedi ministr.
Saiasat Nurbek ǵylymdy qarjylandyrýdyń formattary men úlgilerin qaita qaraý týraly da aitty.
"Biz ǵylymǵa aqsha jumsaimyz. Ulttyq keńester arqyly granttar uiymdastyramyz. Biraq negizgi suraq: osy ǵylymi granttardyń barlyǵynyń nátijesi qandai?
Bul jerdegi negizgi reforma bul - bizdiń ǵylymnyń barynsha qoldanbaly sipaty. Kez kelgen ǵylymi-zertteý naqty máseleni sheshýi kerek", - dep túsindirdi ol.
