QR Energetika birinshi vitse-ministri Murat Jórebekov elimizdiń ishki naryǵyndaǵy suiytylǵan munai gazynyń jaǵdaiyna qatysty túsinikteme berdi, dep habarlaidy QazAqparat.
Aita ketý kerek, suiytylǵan gaz avtokólikter úshin balama otyn túri.
«Ishki naryqta tutyný kólemi eleýli deńgeide ósip keledi. Biraq óndiris kólemi sol deńgeide qaldy. 2019 jyly suiytylǵan gazben júretin, iaǵni benzinnen osy otyn túrine aýysqan avokólik sany 140 myń boldy. Al 2021 jyly olardyń sany 313 myńǵa deiin jetti. Salystyrmaly túrde qarasaq, eki óńirdiń tutyný kólemimen birdei. Sondyqtan naryqta baǵasy arzan gaz bolsa, sáikesinshe tutynýshylardyń sany artady. Osy oraida tapshylyq paida bolady», - dedi Murat Jórebekov onlain brifingide.
Ministrlik málimetine qaraǵanda, 2021 jyly ishki naryqta suiytylǵan munai gazyna suranys shamamen 1,6 million tonna deńgeiinde boljansa, 2019 jyly tutyný 1,3 million tonnany qurady.
