2021 jyldyń 1-toqsanynda suiytylǵan munai gazynyń shekti kóterme baǵasy qazirgi baǵa deńgeiinde qalady. Bul týraly QR Energetika ministrliginen málim etti, dep habarlaidy "Ult aqparat".
«Gaz jáne gazben jabdyqtaý týraly» QR Zańyna sáikes Qazaqstan Respýblikasynyń ishki naryǵyna suiytylǵan munai gazyn jetkizý jospary aiasynda elektrondyq saýda alańdarynan tys ótkiziletin suiytylǵan munai gazynyń shekti baǵasyn memlekettik retteý júzege asyrylady. Energetika ministrligi shekti baǵany Ulttyq ekonomika ministrligimen kelisim boiynsha toqsan saiyn bekitedi jáne ol Qazaqstan Respýblikasynyń búkil aýmaǵynda qoldanylady. Osyǵan orai Energetika ministriniń buiryǵymen 2021 jyldyń 1-toqsanyna arnalǵan shekti kóterme baǵa bekitildi.
«Shekti baǵany belgileý tártibi Qazaqstan Respýblikasynyń ishki naryǵynda taýarlyq gazdy kóterme saýdada ótkizýdiń shekti baǵalaryn jáne Qazaqstan Respýblikasynyń ishki naryǵyna suiytylǵan munai gazyn elektrondyq saýda alańdarynan tys jetkizý jospary aiasynda ótkiziletin suiytylǵan munai gazynyń shekti baǵalaryn aiqyndaý qaǵidalarymen reglamenttelgen. Osy qaǵidalarǵa sáikes 2021 jylǵy 1-toqsanǵa arnalǵan shekti baǵa 2020 jylǵy tórtinshi toqsandaǵydai QQS-ty esepke almaǵanda tonnasyna 38 701,67 teńgeni qurady», - delingen ministrlik aqparatynda.
