Qazaqstanda farmatsevtika men himiia ónerkásibin 2025 jylǵa deiin damytýǵa arnalǵan jol kartasy jasalady. Bul týraly Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Farmatsevtika jáne himiia ónerkásibi boiynsha 2021-2025 jyldarǵa arnalǵan damý jol kartalary bekitiledi. Budan basqa, farmatsevtikalyq kásiporyndardyń klinikalyq jáne klinikaǵa deiingi synaqtar júrgizýge, sondai-aq GMP standarttaryn engizýge arnalǵan shyǵystaryn sýbsidiialaý máselesin pysyqtaýdy josparlap otyrmyz. Bul EAEO naryǵynda dárilik zattardy tirkeý boiynsha otandyq kásiporyndardyń básekege qabilettiligin aitarlyqtai arttyrady», - dedi Beibit Atamqulov Senatta ótip jatqan «QR ónerkásiptik saiasatty zańnamalyq retteý: jai-kúii, problemalary jáne sheshý joldary» taqyrybyndaǵy Úkimet saǵatynda.
Sondai-aq, elde dárilik zattardyń qunyn tómendetý maqsatynda birqatar importtalatyn sýbstantsiialar men shikizatqa kedendik bajdardy tómendetý máselesin pysyqtalmaq.
