Saraptama portaly Qazaqstannyń qai óńirinde etti kóp tutynatynyn anyqtap, sondai-aq etti qala turǵyndary kóp jei me, álde aýyl turǵyndary kóbirek paidalana ma degen suraqtarǵa jaýap berdi.
Ranking.kz aqparatyna súiensek, ótken jyly ár qazaqstandyq ortasha eseppen 72,9 kilogramm et jáne et taǵamdaryn jegen. Bul 2016 jylǵy kórsetkishpen salystyrǵanda 0,1%-ǵa kóbirek, al 2015 jylǵa qaraǵanda 0,9%-ǵa az.
Qazaqstanda eń kóp et jeitinder Atyraý oblysynda turady, onda adam basyna shaqqanda et jáne et taǵamdary mólsheri jylyna 85 kilogramm, odan keiingi orynda Almaty turǵyndary — 83,5 kilogramm jáne ShQO — 82,6 kilogramm", — dep habarlaidy saraptama portaly.
Ońtústik óńirdiń turǵyndary etti az jeidi eken. Máselen, Ońtústik Qazaqstan oblysynda adam basyna shaqqanda — 58,2 kilogramm, Qyzylorda oblysynda — 65,2 kilogramm, al Aqtóbede — 67,4 kilogramm.
"Qazaqstandyqtar bárinen de siyrdyń etin kóbirek paidalanady: 2017 jyly – siyr eti (orta eseppen adam basyna shaqqanda 23,9 kilogramm), sodan keiin qoi eti — 6,3 kilogramm, farsh — 6,1 kilogramm", — dep jazady portal.
Sarapshylar atap ótkendei, qala turǵyndary aýyl turǵyndaryna qaraǵanda etti kóbirek tutynady: adam basyna shaqqanda 75,8 kilogramm, aýyl turǵyndary úshin bul kórsetkish — 69,1.
