Foto: QR MAM
Astanada «Esirtkisiz QAZAQSTAN» atty respýblikalyq konferentsiia ótti. Is-sharany QR Mádeniet jáne aqparat ministrligi men QR Ishki ister ministrliginiń Esirtki quqyq buzýshylyqtarynyń profilaktikasy boiynsha keńesiniń qoldaýymen «Esbol Qory» qoǵamdyq qory uiymdastyrdy, dep habarlaidy Ult.kz.
Bul bastama Memleket basshysy Qasym-Jomart Toqaevtyń Qaýipsizdik keńesiniń otyrysynda bergen tapsyrmalary aiasynda uiymdastyryldy. Prezident ol jerde narkotizm el bolashaǵyna tóngen qater ekenin erekshe atap ótti.
Konferentsiia jumysyna nashaqorlyqtyń aldyn alý men jastardy qoldaýǵa jaýapty negizgi memlekettik organdardyń birinshi basshylary, Mádeniet jáne aqparat ministrligi, Ishki ister ministrligi, Densaýlyq saqtaý ministrligi, sondai-aq halyqaralyq seriktesterdiń (BUU qurylymdary) ókilderi qatysty.
Jas kóshbasshylar nashaqorlyqtyń aldyn alý boiynsha ózderi ázirlegen innovatsiialyq tásilder men tsifrlyq sheshimderdi usyndy.
Solardyń biri – «MERGEN» aqparattyq júiesi. Ol onlain keńistikti esirtkige qatysty virýstyq kontentti anyqtap, ony buǵattaidy. Osy júieniń arqasynda Qazaqstan aýmaǵynda 5000-nan astam internet-resýrs anyqtaldy. Sonymen qatar esirtki qylmysynyń tsifrlyq kartasy tanystyryldy.
Kartany quqyq qorǵaý organdary óz qyzmetine belsendi qoldanýda.
Konferentsiia barysynda nashaqorlyqtyń aldyn alý jónindegi 20 óńirlik front-keńse jumysy talqylandy. Bul ortalyqtar jastarǵa baǵyttalǵan jáne jasóspirim, stýdentterge salaýatty ómirdiń mańyzyn túsinikti tilde jetkizedi. Sol úshin arnaiy ǵylymi ádistemelerge negizdelgen zamanaýi baǵdarlamalardy da engizýde.
Sonymen qatar konferentsiia aiasynda búkil el boiynsha jas belsendilerdi biriktiretin «Esirtkisiz QAZAQSTAN» jalpyulttyq jastardyń esirtkige qarsy qozǵalysyn qurý týraly memorandýmǵa qol qoiyldy.
