Foto: «Respublica» partiiasy baspasóz qyzmeti
2024 jyldyń 10-20 qazan aralyǵynda «Respublica» partiiasy ulttyq asyq oiyny boiynsha eresekter arasynda ashyq týrnir uiymdastyrady, dep habarlaidy Ult.kz.
Bul shara Respýblika kúnine orailastyrylyp, elimizdiń ár aimaǵynda ótetin irikteý kezeńderinde 21 jastan asqan 40 qatysýshy jarysady. Ár óńirden jeńimpaz bolǵan eki sportshy respýblikalyq deńgeidegi finalǵa joldama alady.
Týrnirdiń finaldyq kezeńi 25 qazan kúni Astanadaǵy «Qazaqstan» jeńil atletikalyq sport kesheninde ótip, jeńimpazǵa avtomobil tabystalady.
Osy is-sharany uiymdastyrýshy «Kóshpendilerdiń Asyq sporty» halyqaralyq federatsiiasy men «Respýblikalyq Asyq atý» federatsiiasy ulttyq oiyndardy nasihattaýdy kózdep otyr. Májilis depýtaty jáne halyqaralyq federatsiianyń prezidenti Oljas Quspekovtiń aitýynsha, mundai jarystar ulttyq mádenietimizdi dáripteýge jáne sportshylardyń sheberligin shyńdaýǵa úlken múmkindik beredi.
Aita ketý kerek, halyqaralyq asyq federatsiiasy qurylǵannan beri 14 elde federatsiialar tirkelip, asyq oiyny kóshpendiler oiyndarynyń turaqty distsiplinasy retinde tanylǵan. Endi ár eki jylda álem chempionaty ótkizilip turady.
