Qazaqstanda eń tanymal áleýmettik jeliler belgili boldy, dep habarlaidy QazAqparat Ranking.kz saityna silteme jasap.
Statcounter Global Stats málimetinshe, 2021 jyldyń qańtarynda álemdegi eń tanymal áleýmettik jeli Facebook atandy, onyń úlesi 69,8 paiyzdy quraǵan. Odan keiin tizimde Pinterest (11,9%), Twitter (9,5%), YouTube (4,9%) jáne Instagram (2,6%) tur.
Qazaqstanda eń tanymal áleýmettik jeli retinde Pinterest (32,7%) kósh bastap tur. Úzdik «bestikke» sondai-aq YouTube (20,4%), «VKontakte» (14,9%), Facebook (13,5%) jáne Twitter (11,3%) kirdi.
Qazaqstandyqtar ústel ústindegi qurylǵylar – derbes kompiýter, noýtbýk jáne monobloktarda otyryp, eń kóp kiretin áleýmettik jeliler – Rinterest, YouTube jáne «V Kontakte». Planshetterden eń kóp kiriletinder arasynda Pinterest, Facebook jáne YouTube bar, bul «úshtik» sondai-aq smartfon ieleriniń úlken suranysyna ie, alaida bul topta YouTube tanymaldylyq jaǵynan ekinshi orynǵa shyqqan.
Play Market qosymshalar dúkeniniń málimetinshe, Pinterest-tiń búkil álem boiynsha paidalanýshylary qosymshany 5 juldyzdyń ishinen 4,6-ǵa baǵalady. Odan keiin tizimde 4,2 juldyz jinaǵan YouTube jáne Twitter tur. Facebook 4,1, al «V Kontakte» — 3,4 juldyzǵa baǵalanǵan.
