Aldaǵy ýaqytta Qazaqstannyń barlyq mektepterinde elektrondy oqýlyq formaty engiziledi. Jańartylǵan mazmundaǵy oqýlyqtarmen qazirdiń ózinde myńǵa jýyq oqýshy bilim alyp jatyr, dep habarlaidy QazAqparat tilshisi.
«Almatykitap» baspasy elektrondy oqýlyqtardy 2018 jyldyń 1 qyrkúieginen engize bastady.
Pilottyq joba boiynsha eldiń 5 óńirindegi 11 mektep qatysyp jatyr. Atap aitqanda, 1 myń oqýshy men 350 ustaz elektrondy oqýlyq qoldanyp júr.
Elektrondy oqýlyqtardy qoldana otyryp, alǵashqy ashyq sabaq Astana qalasyndaǵy № 85 mektepte ótken bolatyn.
«Men óz smartfonym arqyly Opiq.kz qoldanyp kele jatqanyma bir jyl boldy. Onlain platforma kez kelgen internet jelisi ustaityn jerde ashyla beredi. Endi oqýshylar aýyr sómke tasyp júrmeidi. Barlyq oqýshylar kóshse jaqsy bolar edi», - dedi Astanadaǵy №62 mektep litseiiniń oqýshysy Damir Sarmanov.
Opiq.kz platformasynda 1, 2, 3, 5, 6 jáne 8-synyptardyń oqýlyqtary bar. Bul oqýlyqtarda interaktivti mýltimedialyq materialdar kóp ornalasqan.
«Joba Tsifrlandyrý baǵdarlamasyn júzege asyrý aiasynda jasaldy. Úige jekelegen, toptyq tapsyrma bere alamyz. Úi tapsyrmalaryn oryndaý óte tiimdi. Informatika, matematika, geografiia siiaqty pánder qosylǵan», - dedi №62 mektep muǵalimi Alma Turǵanbekova.
Aita ketý kerek, bul baǵdarlama álemniń birneshe elderinde jumys jasaidy.
Qazaqstandaǵy baǵdarlama estondyq áriptesterdiń ozyq tájiribesine súiene ázirlengen.
