Elimizde jaýapkershilgi shekteýli seriktestikterdiń birinde zańsyz qosylǵan maining fermasy anyqtaldy, dep habarlaidy "Ult aqparat".
«Biylǵy 18 qarashada Nur-Sultan qalasynda Energetika ministrligi Atomdyq jáne energetikalyq qadaǵalaý men baqylaý komitetiniń qyzmetkerleri jaýapkershiligi shekteýli seriktestiktiń birine tiesili maining fermasynyń zańsyz qosylǵanyn anyqtady. Elektr energiiasyn qosýdyń bul faktisine «KEGOC» AQ-nyń «Aqmola JET» filialy jol bergen. Maining tarapynan elektr qýatyna qosylý jáne tutyný kerneýi 500 kiloVolttan joǵary voltty kishi stantsiiadan júrgizilgen», - delingen Energetika ministrligi baspasóz qyzmetiniń málimetinde.
Mainingtik ferma tiisti qyzmetti paidalaný týraly tsifrlyq damý salasyndaǵy ýákiletti organǵa aitpaǵan.
«Komitet «KEGOS»AQ-ǵa qatysty baqylaý is-sharalaryn júrgizip jatyr. Jalpy «sur» maining fermalaryn elektr jelilerine qosýǵa jol berilmeidi. Sonymen qatar, zańnamaǵa sáikes, árbir fakti boiynsha áreket etý sharalary qabyldanatynyna ári elektr energiiasy qýatynyń naryǵy aiasynda tiisti óndirip alýlar qoldanylatynyna nazar aýdartamyz. Energetika ministrligi memlekettik organdarmen jáne energetikalyq kásiporyndarmen birlesip, elimizdiń zańnamasyn buzatyn «sur» maining fermalaryn anyqtaý men elektr jelilerinen ajyratý boiynsha jumysty jalǵastyrady», - delingen habarlamada.
