Qazaqstanda elektrosamokat paidalanýdyń biryńǵai erejeleri ázirlenbek. Bul týraly Ortalyq kommýnikatsiialar qyzmetide ótken brifingte QR Ishki ister ministrligi Jol qaýipsizdigi basqarmasy bastyǵynyń orynbasary Arman Altynbekov málim etti, dep habarlaidy QazAqparat.
«Qazirgi tańda normativtik aktilerde elektr samokattar kólik quralynyń qandai da bir tipine jiktelmegen. Iaǵni, qoldaný ereksheligi men tehnikalyq aiyrmashylyqtaryna qarai mopedke jata ma, álde skýterge jata ma, naqty jikteý joq.
Onyń ústine zańnamada bul kólik quraldaryna qoiylatyn talaptardyń bolmaýy olardyń naryqta satylý jáne qoldaný erejelerin, qaýipsizdik boiynsha qoiylatyn talaptary men sol talapqa sáikestigin baǵalaý tetikterin, markileýdiń biryńǵai talaptaryn tehnikalyq retteýge múmkindik bermeidi», - dedi Arman Aitybekov.
Onyń sózine qaraǵanda, qazirgi tańda elektrosamokattarǵa qoldanylatyn standarttar ázirlenip jatyr.
«Búginde Úkimettiń tapsyrmasy boiynsha múddeli memlekettik organdarmen birge osy jumysty júrgizip jatyrmyz. Saýda jáne integratsiia ministrligi kóliktiń osy tipine standarttar ázirlep jatyr. Bul kólik quraly ma, álde qurylǵysy ma. Osyny túsinip alýymyz kerek. Birqatar sebepke bailanysty olardy kólik quralyna jatqyza almaimyz. Óitkeni tejeýishi júiesi, burylys shamdary men jaryq shamdary joq degen siiaqty. Standart daiyn bolǵan soń tiptik erejeler jasaimyz. Osylaisha olarǵa biryńǵai erejeler qoldana alamyz», - dedi IIM ókili.
IIM deregi boiynsha, byltyr mopedter men samokat tepken 68 adam jaraqat alaǵan.
