Qazaqstanda elektr samokat paidalaný erejesi ázirlenedi. Bul týraly QR IIM Ákimshilik politsiia komiteti tóraǵasynyń orynbasary Serik Túsipov aitty, dep habarlaidy "Ult aqparat".
«Qazirgi ýaqytta depýtattar «Jol júrisi salasyndaǵy keibir zańnamalyq aktilerge ózgertýler engizý týraly» zań jobasyna bastamashalyq jasaǵandyǵyn habarlaǵym keledi. Onda samokattar, elektr samokattary men skýterlerdi paidalaný boiynsha túzetýler, ózgertýler jáne qosymshalar engizý kózdelgen. Onyń ishinde atalǵan qozǵalys quralyn paidalanatyn tulǵalardyń quqyqtarymen qatar mindetteri de reglamentteletin bolady. Tolyq aqparat alý úshin atalǵan zań jobasyn bastamashylarǵa, ázirleýshilerge júgingen jón», - dedi ol Ortalyq kommýnikatsiialar qyzmetindegi baspasóz máslihatynda.
Atalǵan baspasóz máslihaty barysynda ol elimizde 2020 jyldyń 9 aiynda 8 933 jol-kólik apaty oryn alyp, saldarynan 1 265 adam qaza tapqanyn, 11 780 adam jaraqat alǵanyn aitqan edi.
