«Bir tereze» - «QazTrade» eksporttaýshy men memlekettik organdar arasynda agent rólin atqaratyn bolady. «Bir tereze» aiasynda eksporttaýshylardy qoldaýdyń barlyq sharalaryn shoǵyrlandyrý kózdelgen. Bul týraly QR Úkimetiniń baspasóz ortalyǵynda ótken baspasóz koferentsiiasynda QR saýda jáne integratsiia ministri Baqyt Sultanov habarlady, dep jazady "Ult aqparat".
Ministrdiń aitýynsha, «QazTrade» buryn saýda saiasatyn damytý ortalyǵy retinde jumys istegen, negizinen saraptamalyq zertteýlermen ainalysqan. Búginde onyń bazasynda esporttaýshylarǵa arnalǵan «bir tereze» ortalyǵyn qurý josparlanǵan, adamdar sol jerge júginip, saýda salasynda týyndaǵan problemalaryn sheshe alady. Tsifrlandyrýǵa basa kóńil bólinedi. Baǵalarǵa elektrondy monitoring júrgiziletin bolady.
«Qazaqstannyń shetelderdegi saýda ókildikteri "syrtqy keńseler" sanalady. Aǵymdaǵy jyldyń sońyna deiin Qazaqstan saýda ókildikter jelisin keńeitýdi josparlap otyr. Jańa ókildikter QHR-da, Túrkiiada, Úndistanda, Iranda, Ózbekstanda, Aýǵanstanda, Polsha men Chehiiada ashylatyn bolady.
«QazTrade» sonymen qatar aimaqtyq jáne shekara mańy saýdasyn damytýǵa tartylatyn bolady. Áleýmettik kásipkerlik korporatsiialar bazasynda óńirlik eksporttyq ortalyq ashý josparlanyp otyr, olardyń qyzmetin «QazTrade» úilestiretin bolady», — dedi B. Sultanov.
B. Sultanov sonymen qatar shikizattyq emes taýarlar men kórsetiletin qyzmetterdiń eksportyn ilgeriletý jónindegi jol kartasy bekitilgenin aitty. Bul qujatta taýardy shetel naryqtaryna shyǵarý kezinde týyndaityn kedergilerdi tómendetýge, eksporttalǵan óńdelgen taýarlar jelisin keńeitýge, sondai-aq eksporttaýshylardy qoldaýdyń qarjylai jáne qarjylai emes sharalaryn kúsheitýge erekshe nazar aýdarylǵan.
«Jol kartasynyń aiasynda mashina jasaý salasynda shaǵyn jáne orta bizneske eń tómengi mólsherlememen nesie berý, óńdeýshi ónerkásiptiń iri kásiporyndaryna nesie mólsherlemesin sýbsidiialaýdy usyný, úshinshi elderde qoimalardy uiymdastyrý jáne basymdyqty jáne joǵary múddeli eldermen birge qurylys qyzmetteriniń standarttary men tehnikalyq talaptaryn ózara taný josparlanǵan», — dedi QR saýda jáne integratsiia ministri.
