1 shildeden bastap qazaqstandyq satýshylarǵa temeki ónimderin sórelerde ashyq kórsetýge tyiym salynady. Halyq densaýlyǵy jáne densaýlyq saqtaý júiesi týraly kodekste jańa norma kúshine endi, - dep habarlaidy Tengrinews.kz.
Jańa erejelerge sáikes, Qazaqstanda temeki buiymdaryn, onyń ishinde qyzdyrylatyn temekisi bar buiymdardy, kalianǵa arnalǵan temekini, kalian qospasyn, temekini qyzdyrýǵa arnalǵan júielerdi, elektron tutyný júielerin jáne olarǵa arnalǵan suiyqtyqtardy ashyq kórsete otyryp satýǵa tyiym salynady.
Temeki ónimderi týraly aqparat dúkenderde kólemi 40h30 santimetrden aspaityn aq qaǵazda, qara tústi birdei áriptermen jáne satylatyn ónim tizimi men baǵasy álipbi boiynsha qandai da bir grafikalyq beineler men sýretterdi paidalanbai jazylýy tiis.
Aita keteiik, Qazaqstanda elektron sigaretter, temeki qyzdyrý júieleri men kaliandar ádettegi sigaretterge teńestirilgen.
21 jasqa tolmaǵan adamdarǵa temeki ónimderin satyp alýǵa tyiym salynǵan.
