Sinoptikter 30 tamyzdan 3 qyrkúiekke deiingi aýa raiy boljamyn jariialady, dep habarlaidy "Ult aqparat".
«Jaz aiaqtalyp keledi, muny qazaqstandyqtar tamyzdyń sońǵy kúnderi sezinip otyr. Batys Sibirdiń soltústik bóliginen jyljyǵan salqyn aýa aǵyndary demalys kúnderi Qazaqstan aýmaǵynan ótedi, soǵan bailanysty salqyn ári aýqymdy antitsiklon ornyǵady. Sondyqtan 30-31 tamyz kúnderi respýblikanyń kóptegen oblysynda jańbyr, shyǵysta jáne ońtústik-shyǵystyń taýly aýdandarynda nóser jaýýy múmkin», - delingen «Qazgidromet» RMK habarlamasynda.
Antitsiklon taralýyna bailanysty jańbyr saiabyrsyp, aýa temperatýrasy tómendeidi. Respýblikanyń soltústik, ortalyq jáne shyǵys oblystarynda temperatýra kúndiz 15-23°S-tan 8-15°S-qa deiin, túnde pliýs 2-7°S-qa deiin, ońtústik-shyǵysta kúndiz 18-25°S-qa deiin tómendeidi. Tek batys jáne ońtústik oblystarda burynǵysha ystyq aýa saqtalyp, kún jaýyn-shashynsyz, aýa temperatýrasy kúndiz 27-34 gradýs aralyǵynda bolady.
