«Qazgidromet» RMK 2-4 aqpanǵa arnalǵan aýa raiy boljamyn usynady, dep habarlaidy "Ult aqparat".
«Temperatýranyń joǵarylaýyna, respýblikanyń basym oblystarynda qardyń jaýýyna jáne burqasynnyń soǵýyna yqpal etken ońtústik tsiklon Altaiǵa qarai jyljydy. Al, Qazaqstanǵa Kar teńiziniń ortalyǵynda ornalasqan sýyq antitsiklon taralyp, sonyń saldarynan elimizdiń soltústik, ortalyq jáne shyǵys oblystarynda minýs 35...42°, ońtústikte kei jerlerde minýs 15-22° deiin aiaz bolady. Biraq, Qazaqstanǵa Reseidiń eýropalyq bóliginen jyljyp kele jatqan kezekti tsiklon jeksenbide aiazdy álsiretedi. Qar jaýyp, burqasyn jáne respýblikanyń basym oblystarynda ekpindi jel soǵady», - delingen habarlamada.
