Foto: QR OAM
Memleket basshysynyń tapsyrmasyna sáikes Almatyda daryndy balalar men talantty jastardy qoldaýǵa arnalǵan «Úrker» bilim berý ortalyǵy salynady, dep habarlaidy Ult.kz.
Ortalyqtyń negizgi maqsaty – elimizdiń daryndy oqýshylary men jastarǵa teń múmkindik berip, olardyń ǵylym, óner, sport, tehnologiia jáne kásipkerlik salalaryndaǵy áleýetin damytý arqyly Qazaqstannyń intellektýaldyq, mádeni jáne innovatsiialyq órkendeýine úles qosatyn jańa kóshbasshylar býynyn qalyptastyrý.
Oǵan qosa, Oqý-aǵartý ministrligine qarasty «Daryn» respýblikalyq ǵylymi-praktikalyq ortalyǵy daryndy oqýshylar men pedagogterdi qoldaýǵa baǵyttalǵan SMART Daryn ulttyq tsifrlyq platformasyn iske qosty. Jańa joba – oqýshylardyń shyǵarmashylyq jáne ziiatkerlik áleýetin damytýǵa, pedagogterdiń kásibi biliktiligin arttyrýǵa, sondai-aq bilim berý protsesine zamanaýi tsifrlyq tehnologiialardy engizýge arnalǵan mańyzdy qadam. Endi atalǵan platorma arqyly oqýshylar intellektýaldy saiystarǵa tirkelip, onyń irikteý kezeńinen óte alady.
Sondai-aq, Qazaqstan Respýblikasy Prezidentiniń 2025-2029 jyldarǵa arnalǵan bilim berý júiesine jasandy intellektini engizý jónindegi Joldaýyn iske asyrý aiasynda jańa bastama – AEROO Space AI Competition injenerlik jarysy bastaý alady. Bul jarys injenerlik jáne baǵdarlamalyq sheshimderdi jasandy intellekt tehnologiialarymen biriktirýge baǵyttalǵan. Qatysýshylar zamanaýi injenerlik tásilder men tsifrlyq tehnologiialardy qoldana otyryp, ózderiniń nanospýtnikterin ázirlep, ushyrý múmkindigine ie bolady.
Eske sala keteiik, 2022 jyldan beri halyqaralyq intellektýaldyq saiystardyń jeńimpazdary men olardyń jetekshileri bir rettik aqshalai syiaqy alady. Ári bilim dodalarynda kók týymyzdy jelbiretip júrgen jetkinshekterge «Bolashaq» baǵdarlamasy arqyly sheteldik úzdik JOO-larda bilim alý múmkindigi berildi. Daryndy balalardy qoldap, olardyń qabiletterin damytý úshin memleket tarapynan jasalyp jatqan mundai qadamdar intellektýaldy urpaq tárbielep, balalardyń básekege qabilettiligin arttyrýǵa jaǵdai jasaidy.
