Densaýlyq saqtaý ministrliginiń 28 naýryz 15:00-degi deregi boiynsha, Qazaqstanda taǵy bir naýqas dertinen aiyqty. Elde qazir barlyǵy 15 adam Covid-19 aýrýynan jazyldy. Olardyń 13-i - Nur-Sultanda, ekeýi Almatyda.
Qazaqstanda 28 naýryz 14:00-ge deiin 54 adamnan virýs tabylǵany belgili boldy. Nur-Sultanda - 42 adam, Almatyda - 3 adam, Shyǵys Qazaqstan oblysynda - 2 adam, Aqmola oblysynda - 2 adam, Almaty oblysynda - 3 adam, Qyzylorda oblysynda - 1 adam, Atyraý oblysynda 1 adam virýs juqtyrǵan.
Semeide virýs tabylǵan eki adam Egipettiń Sharm-ál-Sheih qalasynan kelgen. Olar Semeige Almatydan jeke kólikterimen kelgen. Al Almaty oblysynda virýs juqtyrǵan úsh adamnyń bireýi – aiaǵy aýyr áiel. Ekinshisi Ońtústik Koreiadan kelgen. Úshinshisi – 1957 jylǵy áiel, Ile aýdandyq provizorlyq aýrýhanasynda jatqan. Ol Qosshy aýylynda 26 naýryzda koronavirýstan qaitys bolǵan 64 jastaǵy áiel adammen birge Almatyda qudalyqta bolǵan.
Qazaqstanda koronavirýsqa bailanysty 15 sáýirge deiin tótenshe jaǵdai. 28 naýryzdan bastap Almaty, Nur-Sultan, Shymkent qalalarynda saqtyq sharalary kúsheitildi. Bul qalalarda jurt tek tamaq, dári alýǵa jáne jumysqa shyǵa alady. Al 30 naýryzdan – 5 sáýir aralyǵynda Nur-Sultanda demalys jariialandy. Bul aralyqta qalada qoǵamdyq kólik júrmeidi. Tek dárigerler, politseiler, organ qyzmetkerleri men kommýnaldyq qyzmet ókilderi ǵana jumysqa shyǵady.
Qazir elde barlyǵy 204 adamnan virýs tabyldy:
- Nur-Sultanda - 117 adam
- Almatyda - 58 adam
- Qaraǵandyda - 4 adam
- Jambyl oblysynda - 3 adam
- Atyraý oblysynda - 4 adam
- Aqmola oblysynda - 5 adam
- Shymkentte - 2 adam
- Shyǵys Qazaqstan oblysynda - 2 adam
- Almaty - oblysynda - 4 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 1 adam.
