Májilis depýtattary Biryńǵai jinaqtaýshy zeinetaqy qorynyń keiingi jyldardaǵy shyǵyndarynyń negizdiligi men tiimdiligin tekserýdi usyndy, - dep habarlaidy Tengrinews.kz.
Amanat fraktsiiasy óz saýalyn Premer-ministr Álihan Smaiylov pen Ulttyq bank tóraǵasy Ǵalymjan Pirmatovqa joldady.
"Memleket basshysy Qazaqstan halqyna Joldaýynda BJZQ-nyń tiimdi investitsiialyq strategiiasyn ázirleýdi tapsyrdy. Búginde Qazaqstanda zeinetaqy aktivterin senimgerlik basqarýshy - Ulttyq bank. Ol ózi investitsiialyq saiasatty júrgizedi jáne óz qyzmetin baqylaidy. Zeinetaqy qorynyń aktivteri birinshi kezekte qazaqstandyqtardyń tabysynyń 10 paiyzy mólsherindegi aýdarymdarynan turady. 2023 jyldan bastap olarǵa jumys berýshilerden árbir qyzmetker úshin 1,5 paiyz mólsherinde qosymsha jarnalar qosylady. Bul týraly aityp otyrǵan sebebim, zeinetaqy - bul qaiyrymdylyq emes, adamnyń laiyqty quqyǵy", - dedi depýtat Amanjan Jamalov.
Ol 9 qyrkúiekte Eńbek jáne halyqty áleýmettik qorǵaý ministrliginde ótken jiynda zeinet jasyn tómendetý qozǵalysynyń belsendileri BJZQ-ǵa qatysty óz talaptaryn aitqanyn atap ótti. Sondai-aq, onyń aitýynsha, BJZQ qyzmetiniń tiimdiligine halyqtyń narazylyǵy óte joǵary.
"2022 jyldyń 7 aiynda BJZQ aktivteriniń kiristiligi jyldyq 9,6 paiyz ǵana bolǵan. Al jyldyq infliatsiia búginde 16,1 paiyz bolyp otyr. Iaǵni zeinetaqy jinaqtarynyń naqty tabystylyǵy teris. BJZQ-nyń tiimdi investitsiialyq strategiiasy joq dep nyq senimmen aitýǵa bolady. BJZQ aktivteriniń 44 paiyzy Qarjy ministrliginiń obligatsiialaryna salyndy jáne BJZQ-nyń negizgi kiristiligi qaitadan biýdjet esebinen qamtamasyz etiledi. Is júzinde olar biýdjettiń moinyna minip, aiaqtaryn salbyratyp otyr, óitkeni basqa quraldar boiynsha tabystylyq joq", - dedi Jamalov.
Bul rette ol jalpy memlekettik uiym bola otyryp, BJZQ jabyq jáne ashyq emes qurylym bolyp qala beretinin atap ótti.
"Qarjygerler toby halyq aqshasyn óz qaltasyndaǵy aqsha siiaqty basqarady. Is júzinde bul uiymnyń milliardtyq kiristeri men shyǵystary esep komitetiniń biýdjettik rásimderi men baqylaýynan shyǵaryldy. Búginde BJZQ-nyń ákimshilik shyǵystary 13 milliard teńgege jetti. Salystyrý úshin, eldegi barlyq áleýmettik saiasatqa jaýapty búkil Eńbek jáne halyqty áleýmettik qorǵaý ministrliginiń jyl saiynǵy ákimshilik shyǵystary 10 milliard teńgeden aspaidy. Tek BJZQ qyzmetkerleriniń eńbekaqysyna 7,9 milliard teńge jumsalady. BJZQ qurylymynda 1 495 adam jumys isteidi", - dedi ol.
Májilismender usynysy:
- Esep komiteti keiingi jyldardaǵy BJZQ shyǵystarynyń negizdiligi men tiimdiligin tekseredi.
- Úkimet jalǵyz aktsioner retinde BJZQ-dan biýdjetke dividend retinde bólinbegen 211 milliard teńge kiristi alyp, olardy áleýmettik máselelerdi sheshýge, mysaly, zeinetaqyǵa shyǵý úshin jetkilikti tájiribesi men 58 jasta óz qalaýy boiynsha zeinetke shyǵýǵa jinaqtary bar áielder sanatynyń máselelerin sheshýge baǵyttasyn;
- BJZQ-ny Úkimettiń tikelei quzyryna, múmkin Eńbek jáne halyqty áleýmettik qorǵaý ministrliginiń baqylaýyna berý múmkindigin qarastyrý.
