Kiikterdi qorǵaý baǵytynda birqatar zańǵa ózgeris engizildi. Bul týraly QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komiteti tóraǵasynyń orynbasary Daniiar Turǵambaev aityp berdi, dep habarlaidy QazAqparat.
«Turaqty qorǵaýdyń arqasynda 2021 jyldyń qorytyndysy boiynsha kiik sany 842 myńǵa jetti. Janýarlardyń sirek kezdesetin joiylyp bara jatqan túrlerin, onyń ishinde kiikterdi qorǵaý jalpy aýdany 123 mln ga bolatyn 12 oblys aýmaǵynda júrgiziledi. Onda 430 inspektor jáne 152 avtokólik quraly jumyldyrylǵan. 2019 jyly qaiǵyly oqiǵalarǵa bailanysty bizdiń úsh inspektorymyz qaza tapty, Memleket basshysy brakonerlikpen kúres boiynsha túbegeili jáne kezek kúttirmeitin sharalar qabyldaýdy tapyrdy», - dedi Turǵambaev Ortalyq kommýnikatsiialar qyzmetinde ótken baspasóz máslihatynda.
Spiker 2020 jyldyń qańtarynda «Qazaqstan Respýblikasynyń keibir zańnamalyq aktilerine qylmystyq, qylmystyq is júrgizý zańnamasyn jetildirý jáne jeke adamnyń quqyqtaryn qorǵaýdy kúsheitý máseleleri boiynsha ózgerister men tolyqtyrýlar engizý týraly» QR Zańy qabyldanǵanyn eske saldy. Sanktsiialardy qatańdatý bóliginde 335 jáne 337-baptarǵa túzetýler kúshine endi, iaǵni qylmystyq teris qylyqtar qylmysqa aýystyryldy jáne 337-bapqa 10 jylǵa deiin bas bostandyǵynan aiyrý sanktsiiasy engizildi.
«339-bapqa kiikti, onyń bólikterin nemese derivattaryn, onyń ishinde kiik múiizderin zańsyz alýdy, satyp alýdy, saqtaýdy, ótkizýdi, ákelýdi, áketýdi, jóneltýdi, tasymaldaýdy nemese joiýdy kózdeitin 1-1-bólik engizildi, ol úshin sanktsiia 3 jyldan 5 jylǵa deiin bas bostandyǵyn shekteýdi ne aiyrýdy kózdeidi, múlki tárkilenedi. 380-1-bapta janýarlar dúniesin qorǵaý jónindegi memlekettik inspektorlardyń jáne janýarlar dúniesin qorǵaý jónindegi qoryqshynyń ómirine qolsuǵýshylyq úshin qylmystyq jaýapkershilik kózdelgen. Sondai-aq, janýarlar dúniesin qorǵaý jónindegi memlekettik inspektor men janýarlar dúniesin qorǵaý jónindegi jáne qoryqshyǵa qatysty kúsh qoldanǵany úshin 12 jylǵa deiin bas bostandyǵynan aiyrylatyn qylmystyq jaýapty kózdeitin jańa 380-2-bap engizildi», - dedi Daniiar Turǵambaev.
