Jakub Porzycki/NurPhoto via Getty Images
TsDIAÓM qazaqstandyqtardyń qupiialylyǵyn jáne olardyń derbes derekteriniń qaýipsizdigin buzatyn Telegram-bottyń qyzmetin toqtatty, - dep habarlaidy "Ult aqparat" vedomstvonyń baspasóz qyzmetine silteme jasap.
"Búginde Qazaqstan Respýblikasy azamattarynyń derbes derekterine qol jetkizýge múmkindik beretin Telegram-bottardyń zańsyz qyzmetiniń jolyn kesý boiynsha júrgizilip jatqan jumys sheńberinde Telegram ákimshiligimen ózara is-qimyl kezinde 8 Telegram-bottyń qyzmeti buǵattaldy.
Bul rette, osy jyldyń 28 qazanynda azamattardyń qupiialylyǵyna jáne olardyń derbes derekteriniń qaýipsizdigine eleýli qater tóndirgen Telegram-bottyń qyzmeti toqtatyldy.
Derbes derekterdiń taralyp ketý qaýpin azaitý jáne olardy zańsyz jinaý jáne óńdeý faktileriniń jolyn kesý maqsatynda azamattardy mundai Telegram-bottardy paidalanbaýǵa jáne nasihattamaýǵa, sondai-aq ózderiniń derbes derekterin jalpyǵa qoljetimdi kózderde jáne áleýmettik jelilerde qaldyrmaýǵa shaqyramyz", - delingen habarlamada.
Vedomstvo málimetinshe, mundai Telegram-bottardy paidalaný olardyń ielerine ID, aty, tegi, laqap aty, «ózi týraly» bólim jáne qosymshada ornatylǵan til siiaqty jeke derekterge qol jetkizýge múmkindik beredi.
"Sonymen qatar, bul akkaýntty baqylaýdy joǵaltýǵa nemese jazbaǵa qoljetkizý jáne paidalanýshy atynan habarlama jiberý múmkindigi siiaqty paralleldi paidalanýǵa alyp kelýi múmkin.
QR TsDIAÓM osyndai Telegram-bottar anyqtalǵan jaǵdaida, azamattardyń derbes derekterdi qorǵaý quqyqtarynyń buzylýyn boldyrmaý úshin ministrlikti bul jaily tikelei habardar etýdi suraidy", - delingen habarlamada.
