Túrkistan jáne Almaty oblystarynda aýyl ákimderi sybailas jemqorlyq qylmysyn jasady degen kúdikke ilindi, – dep habarlaidy Sybailas jemqorlyqqa qarsy qyzmet.
Sybailas jemqorlyqqa qarsy qyzmet qańtar aiynda elimizdiń birqatar óńirinde aýdan jáne aýyl ákimderine qatysty sotqa deiingi tergeý bastady.
Túrkistan oblysynda Kentaý qalasy Eski Iqan aýyldyq okrýginiń ákimine qatysty sotqa deiingi tergeý júrgizilip jatyr. Oǵan jer ýchaskesiniń ahýaldyq shemasyna qol qoiǵany úshin jeke kásipkerden 2 million teńge para aldy degen aiyp taǵyldy. Buǵan deiin kelisilgen para somasy 4 million 150 myń teńge eken.
Ákim kinásin moiyndap, jedel tergeý júrgizýdi ótindi.
Sonymen qatar, Almaty oblysynda Ile aýdany Baiserke aýyldyq okrýginiń burynǵy ákimi men ákimdiktiń laýazymdy tulǵalary kúdikke ilindi. Jemqorlyqqa qarsy qyzmet olardyń Jańadáýir aýylyndaǵy 10 ga jer ýchaskesiniń nysanaly maqsatyn sharýa qojalyǵynan jeke qosalqy sharýashylyqqa zańsyz ózgertýge qatysy bar-joǵyn tekserip jatyr.
Al Talǵar aýdany Panfilov aýyldyq okrýginiń burynǵy ákimi shipajai, sý qorǵaý aimaqtary men irrigatsiialyq jelilerde jer ýchaskelerin bólý kezinde qyzmettik ókilettigin teris paidalandy dep aiyptalýda. 24 qańtarda kúdiktige qatysty qamaýda ustaý sharasy sanktsiialandy.
