تٷركٸستان جەنە الماتى وبلىستارىندا اۋىل ەكٸمدەرٸ سىبايلاس جەمقورلىق قىلمىسىن جاسادى دەگەن كٷدٸككە ٸلٸندٸ, – دەپ حابارلايدى سىبايلاس جەمقورلىققا قارسى قىزمەت.
سىبايلاس جەمقورلىققا قارسى قىزمەت قاڭتار ايىندا ەلٸمٸزدٸڭ بٸرقاتار ٶڭٸرٸندە اۋدان جەنە اۋىل ەكٸمدەرٸنە قاتىستى سوتقا دەيٸنگٸ تەرگەۋ باستادى.
تٷركٸستان وبلىسىندا كەنتاۋ قالاسى ەسكٸ يقان اۋىلدىق وكرۋگٸنٸڭ ەكٸمٸنە قاتىستى سوتقا دەيٸنگٸ تەرگەۋ جٷرگٸزٸلٸپ جاتىر. وعان جەر ۋچاسكەسٸنٸڭ احۋالدىق سحەماسىنا قول قويعانى ٷشٸن جەكە كەسٸپكەردەن 2 ميلليون تەڭگە پارا الدى دەگەن ايىپ تاعىلدى. بۇعان دەيٸن كەلٸسٸلگەن پارا سوماسى 4 ميلليون 150 مىڭ تەڭگە ەكەن.
ەكٸم كٸنەسٸن مويىنداپ, جەدەل تەرگەۋ جٷرگٸزۋدٸ ٶتٸندٸ.
سونىمەن قاتار, الماتى وبلىسىندا ٸلە اۋدانى بايسەركە اۋىلدىق وكرۋگٸنٸڭ بۇرىنعى ەكٸمٸ مەن ەكٸمدٸكتٸڭ لاۋازىمدى تۇلعالارى كٷدٸككە ٸلٸندٸ. جەمقورلىققا قارسى قىزمەت ولاردىڭ جاڭادەۋٸر اۋىلىنداعى 10 گا جەر ۋچاسكەسٸنٸڭ نىسانالى ماقساتىن شارۋا قوجالىعىنان جەكە قوسالقى شارۋاشىلىققا زاڭسىز ٶزگەرتۋگە قاتىسى بار-جوعىن تەكسەرٸپ جاتىر.
ال تالعار اۋدانى پانفيلوۆ اۋىلدىق وكرۋگٸنٸڭ بۇرىنعى ەكٸمٸ شيپاجاي, سۋ قورعاۋ ايماقتارى مەن يرريگاتسييالىق جەلٸلەردە جەر ۋچاسكەلەرٸن بٶلۋ كەزٸندە قىزمەتتٸك ٶكٸلەتتٸگٸن تەرٸس پايدالاندى دەپ ايىپتالۋدا. 24 قاڭتاردا كٷدٸكتٸگە قاتىستى قاماۋدا ۇستاۋ شاراسى سانكتسييالاندى.
