Qazaqstanda birqatar JOO jekemenshikke berilýi múmkin. QR Qarjy ministrligi birneshe joǵarǵy oqý ornyn satylymǵa shyǵardy, dep habarlaidy "Ult aqparat".
Aýktsion 2019 jyly 7 naýryzda ótedi. Bul kúni aǵylshyn tásilimen, iaǵni baǵanyń joǵarylaýymen bássaýda ótedi. Eń joǵarǵy baǵany usynǵan tulǵa jeńimpaz atanady.
Satylymǵa Abylai han atyndaǵy Qazaq halyqaralyq qatynastar jáne shet tilderi ýniversiteti, O.Baiqońyrov atyndaǵy Jezqazǵan ýniversiteti, Qazaq bas sáýlet qurylys akademiiasy, Almaty energetika jáne bailanys ýniversiteti shyǵaryldy.
Barlyq nysandardyń 35%-y satylymǵa qoiylǵan.
Bastapqy baǵalary ártúrli. Abylai han atyndaǵy Qazaq halyqaralyq qatynastar jáne shet tilderi ýniversiteti bastapqy baǵamen 1 711 278 931,00 teńgege shyǵarylyp jatyr. Kepildik salymy - 75 750 000,00 teńge. Ótinimder 7 naýryzda tańǵy 8-den qabyldanady.
O.Baiqońyrov atyndaǵy Jezqazǵan ýniversitetiniń saýdasy 336 396 978,00 teńgemen shyǵarylyp jatyr.
Qazaq bas sáýlet qurylys akademiiasynyń bastapqy baǵasy - 2 522 061 695,00 teńge, Almaty energetika jáne bailanys ýniversiteti - 1 401 617 089,00 teńgege baǵalanyp otyr.
Sonymen qatar Respýblikalyq sý sporty sheberligi mektebi 331 060 000,00 teńgemen satylymǵa shyǵaryldy.
Nysan elektrondy tender boiynsha satylady. Bul jaǵdaida qatysýshylar ózderi qalaǵan baǵalaryn usynys retinde elektrondy konvertke salyp, reestrdiń memlekettik veb-paraqshasyna qoiady.
Tolyq aqparatty gosreestr.kz saitynan alýǵa bolady.
