Qazaqstannan aqshany áketý belgileri bar valiýtalyq operatsiialardyń tizbesi belgilendi. Bul týraly búgin Úkimettiń selektorlyq rejimdegi otyrysynda QR Ulttyq banki tóraǵasy Daniiar Aqyshev málim etti, dep habarlaidy Ult.kz tilshisi QazAqparat agenttigine silteme jasap.
Otyrysta valiýtalyq retteý jáne valiýtalyq baqylaý týraly zańnamany jetildirý máselesi jóninde baiandama jasaǵan ol elimizden aqshany áketý belgileri bar valiýtalyq operatsiialardyń tizbesi belgilengenin aitty.
«Birinshi - rezidenttiń Qazaqstandaǵy shottarǵa aqsha aýdarý jolymen óteýdi kózdemeitin qarjylai qaryzdy beirezidentke berýi. Ekinshi - beirezidenttiń Qazaqstandaǵy shottarǵa aqsha aýdarýdy kózdemeitin qarjylai qaryzdy rezidentke berýi. Úshinshi - rezidenttiń úlestes emes beirezidentke 720 kúnnen asatyn merzimge paiyzsyz qarjylai qaryzdy berýi. Tórtinshi - repatriatsiialaý merzimi 720 kúnnen asatyn eksportqa nemese importqa aqy tóleý boiynsha operatsiialar»,- dedi Daniiar Aqyshev.
Onyń aitýynsha, bankter mundai operatsiialardy rezident aqparatty valiýtalyq baqylaý organdaryna berýge ruqsat jasaǵan kezde ǵana júzege asyrady.
«Oǵan qosa, zań jobasynda bank qupiiasy bar valiýtalyq operatsiialar boiynsha aqparatty Memlekettik kirister komitetine berý quqyǵy kózdelgen», - dedi Ulttyq bank tóraǵasy.
