Foto:elements.envato.com
Resmi statistikaǵa sáikes, Qazaqstanda azyq-túlik taýarlarynyń baǵasy bir jylda 20 paiyzǵa ósken. Al azyq-túlik emes taýarlar 13,2 paiyzǵa ósken, - dep habarlaidy Tengrinews.kz tilshisi Ulttyq statistika biýrosynyń baspasóz qyzmetine silteme jasap.
"Maýsymdaǵy infliatsiia jyldyq esep boiynsha - 14,5 paiyz, bir aida 1,6 paiyz bolǵan. 2022 jylǵy maýsymda azyq-túlik baǵasy byltyrǵy maýsymmen salystyrǵanda, 19,2 paiyzǵa ósti", - delingen habarlamada.
Azyq-túlik naryǵynda qumsheker 78,7 paiyzǵa, qyryqqabat 72,4 paiyzǵa, piiaz 69,3 paiyzǵa ósken. Kartop baǵasy 9,8 paiyzǵa tómendegen.
Biýro azyq-túlik emes taýarlar baǵasynyń ósýi 2022 jylǵy maýsymda 2021 jylǵy maýsymǵa qaraǵanda 13,2 paiyz bolǵanyn atap ótti.
"Jeke paidalanylatyn taýarlardyń baǵasy - 23 paiyzǵa, tazalyq quraldaryna - 20,8 paiyzǵa, turmystyq quraldarǵa - 19,7 paiyzǵa, qurylys materialdaryna - 18,6 paiyzǵa, jihaz ben úidegi kerek-jaraqqa - 18,2 paiyzǵa, avtomobilderge - 15,1 paiyzǵa, ydys-aiaqqa - 13,9 paiyzǵa, toqyma buiymdaryna - 10,8 paiyzǵa, farmatsevtikalyq ónimge 9 paiyzǵa kóterilgen", - dedi vedomstvo ókili.
Aqyly qyzmet baǵasy bir jyl ishinde 9,2 paiyzǵa ósken.
"Qoǵamdyq tamaqtandyrý qyzmetine baǵa deńgeii - 15,9 paiyzǵa, densaýlyq saqtaý salasyna - 14,7 paiyzǵa, shipajailarǵa - 13,7 paiyzǵa, keshendi demalysty uiymdastyrýǵa - 13,2 paiyzǵa, shashtarazdar men jeke qyzmet kórsetý oryndarynyń qyzmetine - 12 paiyzǵa, qonaqúilerge - 5,7 paiyzǵa ósti. Jolaýshylar kóligi qyzmeti 4 paiyzǵa qymbattady", - dedi biýro ókili.
TKSh salasynda elektr energiiasyna tarifter 7,5 paiyzǵa ósken, qoqys shyǵarýǵa - 2 paiyzǵa, taratý jelileri arqyly tasymaldanatyn gazǵa - 1,4 paiyzǵa ósti, al ortalyq jylytýǵa - 2,3 paiyzǵa, ystyq sýǵa 0,9 paiyzǵa tómendgen.
