فوتو:elements.envato.com
رەسمي ستاتيستيكاعا سەيكەس, قازاقستاندا ازىق-تٷلٸك تاۋارلارىنىڭ باعاسى بٸر جىلدا 20 پايىزعا ٶسكەن. ال ازىق-تٷلٸك ەمەس تاۋارلار 13,2 پايىزعا ٶسكەن, - دەپ حابارلايدى Tengrinews.kz تٸلشٸسٸ ۇلتتىق ستاتيستيكا بيۋروسىنىڭ باسپاسٶز قىزمەتٸنە سٸلتەمە جاساپ.
"ماۋسىمداعى ينفلياتسييا جىلدىق ەسەپ بويىنشا - 14,5 پايىز, بٸر ايدا 1,6 پايىز بولعان. 2022 جىلعى ماۋسىمدا ازىق-تٷلٸك باعاسى بىلتىرعى ماۋسىممەن سالىستىرعاندا, 19,2 پايىزعا ٶستٸ", - دەلٸنگەن حابارلامادا.
ازىق-تٷلٸك نارىعىندا قۇمشەكەر 78,7 پايىزعا, قىرىققابات 72,4 پايىزعا, پيياز 69,3 پايىزعا ٶسكەن. كارتوپ باعاسى 9,8 پايىزعا تٶمەندەگەن.
بيۋرو ازىق-تٷلٸك ەمەس تاۋارلار باعاسىنىڭ ٶسۋٸ 2022 جىلعى ماۋسىمدا 2021 جىلعى ماۋسىمعا قاراعاندا 13,2 پايىز بولعانىن اتاپ ٶتتٸ.
"جەكە پايدالانىلاتىن تاۋارلاردىڭ باعاسى - 23 پايىزعا, تازالىق قۇرالدارىنا - 20,8 پايىزعا, تۇرمىستىق قۇرالدارعا - 19,7 پايىزعا, قۇرىلىس ماتەريالدارىنا - 18,6 پايىزعا, جيھاز بەن ٷيدەگٸ كەرەك-جاراققا - 18,2 پايىزعا, اۆتوموبيلدەرگە - 15,1 پايىزعا, ىدىس-اياققا - 13,9 پايىزعا, توقىما بۇيىمدارىنا - 10,8 پايىزعا, فارماتسەۆتيكالىق ٶنٸمگە 9 پايىزعا كٶتەرٸلگەن", - دەدٸ ۆەدومستۆو ٶكٸلٸ.
اقىلى قىزمەت باعاسى بٸر جىل ٸشٸندە 9,2 پايىزعا ٶسكەن.
"قوعامدىق تاماقتاندىرۋ قىزمەتٸنە باعا دەڭگەيٸ - 15,9 پايىزعا, دەنساۋلىق ساقتاۋ سالاسىنا - 14,7 پايىزعا, شيپاجايلارعا - 13,7 پايىزعا, كەشەندٸ دەمالىستى ۇيىمداستىرۋعا - 13,2 پايىزعا, شاشتارازدار مەن جەكە قىزمەت كٶرسەتۋ ورىندارىنىڭ قىزمەتٸنە - 12 پايىزعا, قوناقٷيلەرگە - 5,7 پايىزعا ٶستٸ. جولاۋشىلار كٶلٸگٸ قىزمەتٸ 4 پايىزعا قىمباتتادى", - دەدٸ بيۋرو ٶكٸلٸ.
تكش سالاسىندا ەلەكتر ەنەرگيياسىنا تاريفتەر 7,5 پايىزعا ٶسكەن, قوقىس شىعارۋعا - 2 پايىزعا, تاراتۋ جەلٸلەرٸ ارقىلى تاسىمالداناتىن گازعا - 1,4 پايىزعا ٶستٸ, ال ورتالىق جىلىتۋعا - 2,3 پايىزعا, ىستىق سۋعا 0,9 پايىزعا تٶمەندگەن.
