Juma, 9 sáýirde Qazaqstanda koronavirýs juqtyrǵany zerthanada dáleldengen 2 734 naýqas tirkeldi. Bul – pandemiia bastalǵaly bergi eń úlken kórsetkish.
Eldiń eń iri eki qalasynda naýqas bárinen kóp. Ótken táýlikte Almatyda 715 jańa naýqas qosylsa, Nur-Sultanda 548 kisi osy diagnozben esepke alyndy. Aimaqtar arasynda Almaty oblysy alda tur, munda bir táýlikte Covid-pen 369 adam tirkelgen.
Resmi derek boiynsha, Qazaqstanda osy kúnge deiin koronavirýs infektsiiasyn juqtyrǵan 266 677 adam sanaqqa alyndy.
10 sáýirdegi málimet boiynsha, qazirgi ýaqytta koronovirýstan 31 360 adam (30 640 KVI+ jáne 720 KVI-) emdelip jatyr. Olardyń ishinde 11 505 patsient - statsionarda, 19 855 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 523 adamnyń jaǵdaiy aýyr;
- 162 patsienttiń jaǵdaiy óte aýyr;
- 95 naýqas ókpeni jasandy jeldetý apparatyna qosylǵan.
Beisenbi, 7 sáýirde simptomdary koronavirýsqa uqsaityn, biraq testi keri nátije kórsetken 101 adam tirkeldi. Densaýlyq saqtaý ministrligi "kovidtektes pnevmoniia" sanaǵyn júrgize bastaǵan byltyrǵy tamyzdan beri osy diagnoz 51 260 adamǵa qoiylǵan. Bul naýqastar koronavirýspen aýyrǵandardyń jalpy statistikasyna qosylmai, bólek esepteledi jáne "kovidtektes pnevmoniiamen" tirkelgenderdiń esebin ministrlik bir kún keshiktirip jariialaidy.
7 sáýirde Qazaqstanda Covid kesirinen 12 adam, al oǵan uqsas pnevmoniiadan bir adam kóz jumdy. Densaýlyq saqtaý ministrliginiń málimeti boiynsha, byltyrǵy naýryzdan beri elde koronavirýs infektsiiasynan 3 202 adam, al oǵan uqsas pnevmoniiadan 722 adam qaitys bolǵan.
Densaýlyq saqtaý ministrliginiń habarlaýynsha, 10 sáýirdegi málimet boiynsha, Qazaqstanda 282 372 adamǵa koronavirýsqa qarsy vaktsinanyń birinshi komponenti, taǵy 103 909 adamǵa ekinshi bóligi salynǵan. Elde 1 aqpannan beri reseilik "Spýtnik V" ekpesin egip jatyr, preparat koronavirýstan tolyq qorǵaýy úshin adam aǵzasyna onyń eki dozasy salynýy tiis.
Amerikadaǵy Djons Hopkins ýniversitetiniń málimeti boiynsha, álemde 134 millionnan astam adam koronavirýs infektsiiasyn juqtyrǵan, 2,9 million adam osy dertten kóz jumǵan. Aýrý juqtyrǵandar sany boiynsha AQSh, Braziliia, Úndistan, Frantsiia jáne Resei alda tur.
Sonymen qatar, elimizde ótken táýlikte 1511 adam koronavirýs indetinen saýyǵyp shyqty.
Aimaqtar boiynsha:
Nur-Sultan qalasy - 587
Almaty qalasy - 242
Shymkent qalasy - 21
Aqmola oblysy - 53
Aqtóbe oblysy - 79
Almaty oblysy - 119
Atyraý oblysy - 38
Shyǵys Qazaqstan oblysy - 39
Jambyl oblysy - 7
Batys Qazaqstan oblysy - 119
Qaraǵandy oblysy - 84
Qostanai oblysy - 23
Qyzylorda oblysy - 8
Mańǵystaý oblysy - 11
Pavlodar oblysy - 50
Soltústik Qazaqstan oblysy - 16
Túrkistan oblysy - 15
Qazaqstan boiynsha jazylǵandar sany - 232835.
