جۇما, 9 سەۋٸردە قازاقستاندا كوروناۆيرۋس جۇقتىرعانى زەرتحانادا دەلەلدەنگەن 2 734 ناۋقاس تٸركەلدٸ. بۇل – پاندەمييا باستالعالى بەرگٸ ەڭ ٷلكەن كٶرسەتكٸش.
ەلدٸڭ ەڭ ٸرٸ ەكٸ قالاسىندا ناۋقاس بەرٸنەن كٶپ. ٶتكەن تەۋلٸكتە الماتىدا 715 جاڭا ناۋقاس قوسىلسا, نۇر-سۇلتاندا 548 كٸسٸ وسى دياگنوزبەن ەسەپكە الىندى. ايماقتار اراسىندا الماتى وبلىسى الدا تۇر, مۇندا بٸر تەۋلٸكتە Covid-پەن 369 ادام تٸركەلگەن.
رەسمي دەرەك بويىنشا, قازاقستاندا وسى كٷنگە دەيٸن كوروناۆيرۋس ينفەكتسيياسىن جۇقتىرعان 266 677 ادام ساناققا الىندى.
10 سەۋٸردەگٸ مەلٸمەت بويىنشا, قازٸرگٸ ۋاقىتتا كورونوۆيرۋستان 31 360 ادام (30 640 كۆي+ جەنە 720 كۆي-) ەمدەلٸپ جاتىر. ولاردىڭ ٸشٸندە 11 505 پاتسيەنت - ستاتسيوناردا, 19 855 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
- 523 ادامنىڭ جاعدايى اۋىر;
- 162 پاتسيەنتتٸڭ جاعدايى ٶتە اۋىر;
- 95 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
بەيسەنبٸ, 7 سەۋٸردە سيمپتومدارى كوروناۆيرۋسقا ۇقسايتىن, بٸراق تەستٸ كەرٸ نەتيجە كٶرسەتكەن 101 ادام تٸركەلدٸ. دەنساۋلىق ساقتاۋ مينيسترلٸگٸ "كوۆيدتەكتەس پنەۆمونييا" ساناعىن جٷرگٸزە باستاعان بىلتىرعى تامىزدان بەرٸ وسى دياگنوز 51 260 ادامعا قويىلعان. بۇل ناۋقاستار كوروناۆيرۋسپەن اۋىرعانداردىڭ جالپى ستاتيستيكاسىنا قوسىلماي, بٶلەك ەسەپتەلەدٸ جەنە "كوۆيدتەكتەس پنەۆمونييامەن" تٸركەلگەندەردٸڭ ەسەبٸن مينيسترلٸك بٸر كٷن كەشٸكتٸرٸپ جارييالايدى.
7 سەۋٸردە قازاقستاندا Covid كەسٸرٸنەن 12 ادام, ال وعان ۇقساس پنەۆمونييادان بٸر ادام كٶز جۇمدى. دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, بىلتىرعى ناۋرىزدان بەرٸ ەلدە كوروناۆيرۋس ينفەكتسيياسىنان 3 202 ادام, ال وعان ۇقساس پنەۆمونييادان 722 ادام قايتىس بولعان.
دەنساۋلىق ساقتاۋ مينيسترلٸگٸنٸڭ حابارلاۋىنشا, 10 سەۋٸردەگٸ مەلٸمەت بويىنشا, قازاقستاندا 282 372 ادامعا كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸ, تاعى 103 909 ادامعا ەكٸنشٸ بٶلٸگٸ سالىنعان. ەلدە 1 اقپاننان بەرٸ رەسەيلٸك "سپۋتنيك V" ەكپەسٸن ەگٸپ جاتىر, پرەپارات كوروناۆيرۋستان تولىق قورعاۋى ٷشٸن ادام اعزاسىنا ونىڭ ەكٸ دوزاسى سالىنۋى تيٸس.
امەريكاداعى دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 134 ميلليوننان استام ادام كوروناۆيرۋس ينفەكتسيياسىن جۇقتىرعان, 2,9 ميلليون ادام وسى دەرتتەن كٶز جۇمعان. اۋرۋ جۇقتىرعاندار سانى بويىنشا اقش, برازيلييا, ٷندٸستان, فرانتسييا جەنە رەسەي الدا تۇر.
سونىمەن قاتار, ەلٸمٸزدە ٶتكەن تەۋلٸكتە 1511 ادام كوروناۆيرۋس ٸندەتٸنەن ساۋىعىپ شىقتى.
ايماقتار بويىنشا:
نۇر-سۇلتان قالاسى - 587
الماتى قالاسى - 242
شىمكەنت قالاسى - 21
اقمولا وبلىسى - 53
اقتٶبە وبلىسى - 79
الماتى وبلىسى - 119
اتىراۋ وبلىسى - 38
شىعىس قازاقستان وبلىسى - 39
جامبىل وبلىسى - 7
باتىس قازاقستان وبلىسى - 119
قاراعاندى وبلىسى - 84
قوستاناي وبلىسى - 23
قىزىلوردا وبلىسى - 8
ماڭعىستاۋ وبلىسى - 11
پاۆلودار وبلىسى - 50
سولتٷستٸك قازاقستان وبلىسى - 16
تٷركٸستان وبلىسى - 15
قازاقستان بويىنشا جازىلعاندار سانى - 232835.
