Densaýlyq saqtaý ministrligi bir táýlikte koronavirýs pen pnevmoniiadan 78 adamnyń qaitys bolǵanyn habarlady.
Sońǵy derekterge súiensek, koronavirýstan 65 adam, kovidtik pnevmoniiadan 13 naýqas kóz jumǵan. Al, bir kún buryn koronavirýs pen pnevmoniiadan bir táýlikte 48 adamnyń qaitys bolǵany habarlanǵan edi.
Ótken táýlikte Qazaqstanda virýs juqtyrǵan 4 899 adam anyqtalǵan. 25 naýqas pnevmoniiaǵa shaldyqqan.
20 shildedegi málimet boiynsha, koronavirýs infektsiiasynan 61 627 adam (60 055 + jáne 1572 KVI-) emdelip jatyr. Olardyń ishinde 18 836 patsient - statsionarda, 42 791 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
1130 adamnyń jaǵdaiy aýyr,
244 patsienttiń jaǵdaiy óte aýyr,
162 naýqas jasandy tynys aldyrý apparatyna qosylǵan.
Sondai-aq, koronavirýstyń taralýy boiynsha matritsa jańartyldy. "Qyzyl" aimaqta turǵan qalalar men óńirler: Nur-Sultan, Almaty, Shymkent qalalary, Almaty, Aqmola, Aqtóbe, Atyraý, Jambyl, Batys Qazaqstan, Qaraǵandy, Qostanai, Qyzylorda, Mańǵystaý, Pavlodar jáne Soltústik Qazaqstan oblystary.
"Sary" aimaqta: Shyǵys Qazaqstan jáne Túrkistan oblystary.
Sońǵy derekter boiynsha vaktsinanyń I komponentin 4 944 498 adam, II komponentin 2 875 083 adam saldyrǵan.
