Qazaqstanda bir kúnniń ishinde ǵana dári-dármekti qymbatqa satyp, paidaǵa kenelmek bolǵan 46 adam ustaldy, dep habarlaidy "Ult aqparat".
«6 shildeden beri politsiiaǵa 46 adam jetkizildi. Olardan dári-dármektiń túr-túriniń 20884 qaptamasy, naqtyraq aitqanda 2600 qaptamadan gliýkoza men fersinol, 2200 qaptama atsetilsalitsil qyshqyly, 654 qaptama paratsetamol tárkilendi. Iaǵni paida tabý maqsatyndaǵy saýdalaý jaǵdaiy tirkelýde. Osylardyń bári de naryqta dúrbeleń týǵyzýda», - dedi Densaýlyq saqtaý ministri Aleksei Tsoi OKQ-da ótken baspasóz máslihatynda.
Eske sala ketsek buǵan deiin Aleksei Tsoi óńirlerde dári-dármekti qymbattata satatyn alypsatarlardyń áreketine qalai shekteý qoiylyp jatqanyn aityp bergen bolatyn. Onyń aitýynsha, Qazaqstannyń barlyq óńirinde ákimdikter janynan monitoring toptary qurylǵan. Qoǵamdyq keńester men úkimettik emes uiymdar da preparattar baǵasyn baqylaý jumysyna belsene atsalysýda.
