2020 jyldyń 10-17 shilde kúnderi Qazaqstannyń memlekettik orman qory aýmaǵynda 19 orman órti tirkeldi.
Óńirler arasynda Aqtóbe oblysy boiynsha - 5 órt, Batys Qazaqstan oblysynda – 9 órt, Qostanai oblysynda – 2 órt, Soltústik Qazaqstan oblysynda – 1 órt, Býrabai memlekettik ulttyq tabiǵi parkinde – 2 órt tirkelgen.
«Jyl basynan beri elimizde jalpy aýdany 22 403,25 ga bolatyn 394 orman órti tirkelip, jalpy zalal 1 883,5 mln teńgeni qurady. Oblystyq atqarýshy organdardyń jáne basqa da memlekettik orman ielenýshilerdiń qaramaǵyndaǵy ormandarda jalpy kólemi 10 282,14 ga bolatyn 216 orman órti tutanyp, 50 773,8 myń teńge zalal keldi», - dep habarlady Orman jáne janýarlar álemin qorǵaý komitetiniń baspasóz qyzmeti.
Orman sharýashylyǵy jáne janýarlar dúniesi komitetiniń qaramaǵyndaǵy ormandarda jalpy aýdany 12 121,11 ga órt bolyp, 1 832 738,4 myń teńge shyǵyn keldi.
Órt sóndirý barysynda Jýaly orman jáne janýarlar dúniesin qorǵaý inspektsiiasynyń eki qyzmetkeri jaraqat aldy.
