Eýropalyq odaqtyń bilim berý jobasy aiasynda aýǵan áielderiniń alǵashqy toby Qazaqstanǵa oqýǵa keldi, "Ult aqparat" Qazaqstandaǵy EO ókildiginiń baspasóz qyzmetine silteme jasap.
18 qazanda Almaty Management University-inde (budan ári - Alma U) Eýropalyq odaq qarjylandyratyn jáne Qazaqstandaǵy BUU Damý baǵdarlamasy júzege asyratyn jobaǵa qatysýshy otyz aýǵan áieliniń alǵashqy toby Qazaqstanǵa oqýǵa kelýi qarsańynda resmi qabyldaý júrgizildi.
Is-sharaǵa Qazaqstandaǵy EO Elshisi Sven-Olov Karlsson, QR Syrtqy ister ministriniń orynbasary Roman Vasilenko, BUU DB-nyń Qazaqstandaǵy Turaqty ókili Iakýp Berish jáne Qazaqstandaǵy Aýǵanstan Islam Respýblikasynyń Elshisi Mohammad Farhad Azimi qatysty.
«Aýǵan stýdentteri Alma U-da ótken bir aptalyq kýrsy barysynda aldaǵy oqý baǵdarlamasymen, kampýstyń ornalasýy jáne ýniversitette jasalǵan jaǵdailar, sondai-aq Qazaqstannyń erekshelikterimen tanysty. Endi olar segiz ailyq tereńdetilgen aǵylshyn tili kýrsyn támamdaǵannan keiin qazaqstandyq ýniversitetterdiń bakalavriat, magistratýra jáne tehnikalyq baǵdarlamalaryna oqýǵa túsýge múmkindik alady», delingen habarlamada.
«Biz áielderdiń ekonomikalyq ósim men turaqty damýda eleýli ról atqaratynyń jáne olardyń ekonomikalyq múmkindikteri ár eldiń órkendeýi men gúldenýi úshin mańyzdy dep sanaimyz. Eýropalyq odaq, Aýǵanstan jáne Ortalyq Aziia arasyndaǵy ortaq kózqarasqa negizdelgen nyq senimdilik, ol úsh eldi – Aýǵanstan, Qazaqstan jáne Ózbekstandy bilim salasyna qarjy bólý arqyly biriktire otyryp, olardyń arasyndaǵy áleýmettik jáne ekonomikalyq bailanystardy nyǵaitýǵa úles qosý. Bul ortaq qaýipsizdik máselelerin sheshýge jáne odan da beibit ortany qurýǵa septigin tigizedi», - dep atap ótti EO Elshisi Sven-Olov Karlsson.
Eýropalyq odaq Qazaqstan jáne Ózbekstannyń joǵarǵy oqý oryndary men mamandyqqa daiarlaý ortalyqtarynda aýǵan áielderine bilim alýǵa múmkindik beretin úshjaqty yntymaqtastyq jobasyna 2 million eýro kóleminde grant bóldi.
«Áielderdiń ekonomikalyq múmkindikterin keńeitý, genderlik teńdikti qamtamasyz etý jáne bilimge qoljetimdilikti jeńildetý – BUU DB-nyń álem boiynsha jumysynyń basymdyqtary. Biz budan buryn Qazaqstan Úkimetimen áriptestik aiasynda, aýǵan áielderiniń osynda bilim alýyna múmkindik jasadyq. Atalǵan jańa bastamanyń osy jinaqtalǵan tájiribege súienýi jáne ony iske asyrý úshin Eýropalyq odaqtyń BUU DB-ǵa senim artqany qýantarlyq jait. Biz bul áriptestigimizdiń turaqtylyǵyn arttyrýǵa jumys jasaýǵa daiynbyz», - dep atap ótti BUU DB-nyń Qazaqstandaǵy Turaqty ókili Iakýp Berish.
2025 jylǵa deiin Qazaqstan men Ózbekstannyń oqý oryndarynda aýyl sharýashylyǵy, qoldanbaly statistika jáne taý-ken óndirisi salalarynda bakalavriat, magistratýra jáne tehnikalyq mamandyqtar boiynsha 50 stýdent bilim alady.
«BUU+Áielder» jobasynyń seriktesi retinde olar jobaǵa qatysatyn áielderge arnap kásipkerlik jáne netýorking daǵdylaryn arttyratyn jazǵy mektepter uiymdastyrady, bul olardyń ári qarai jumysqa ornalasýyna jáne ekonomikalyq quqyqtar men múmkindikteriniń keńeiýine jol beredi.
«Atalǵan bastama áielder úshin kásipkerlik pen jumysqa ornalasý boiynsha jańa múmkindikterdi ashyp, Aýǵanstandaǵy olardyń qaýymdastyqtarynyń damýyna úles qosady dep kútilýde. BUU DB-nyń 2018 jylǵa arnalǵan adam damýy týraly esebine sáikes, barlyq eresek aýǵan áielderiniń 11 paiyzy kem degende orta bilim alǵan jáne olardyń tek 19,5 paiyzy ǵana jumyspen qamtylǵan, al erler arasynda bul kórsetkishter sáikesinshe 37 jáne 87 paiyzdy quraidy. 2016-2017 jyldary Aýǵanstan halqynyń jartysynan kóbi kedeilik sheginde ómir súrdi», delingen habarlamada.
