Orman – qazaqstandyqtardyń bailyǵy. Bul týraly Ekologiia, geologiia jáne tabiǵi resýrstar ministri Maǵzum Myrzaǵaliev OKQ-da ótken baspasóz máslihatynda aitty, dep habarlaidy "Ult aqparat".
«Qazaqstan orman alqaby az memleketter qataryna jatady. Orman qoryna jatatyn jerlerdiń jalpy kólemi 30 mln gektardy quraidy. Iaǵni respýblikamyzdyń 11%-yn ǵana alyp jatyr. 13 mln gektar jerde orman ósýde. Ormandylyq kórsetkish 4,8% quraidy. 2030 jylǵa qarai eldegi orman alqaby kólemin 5%-ǵa deiin ulǵaitý josparlanýda», - dedi ministr.
Ministrdiń aitýynsha 5 jyl ishinde orman alqaptarynda 2 milliard jáne eldi mekenderde 15 mln aǵash egiledi. Bul baǵytta ministrlik oblys ákimdikterimen birlesip óńirler boiynsha aǵash otyrǵyzý kólemderin anyqtaǵan. Premer-Ministrdiń tapsyrmasy boiynsha qazirgi ýaqytta ormandy alqaptardy kóbeitý men orman ósirýdiń keshendi josparyn ázirleý boiynsha jumystar júrgizilýde.
