Qazaqstanda koronavirýstyń saldarynan munai ónimderine suranys tómendedi, dep habarlaidy "Ult aqparat".
«QazMunaiGaz» UK AQ málimetinshe, elimizdiń iri qalalarynda karantinniń engizilýine jáne munai ónimderin tutynýdyń azaiýyna bailanysty otandyq munai óńdeý zaýyttary teńdestirilgen eń tómen qýatpen jumys istep jatyr. Qazaqstanda munai óńdeýdi tórt kásiporyn júzege asyrady: «Atyraý munai óńdeý zaýyty» JShS, «Pavlodar munai-himiia zaýyty» JShS, «PetroQazaqstan Oil Prodakts» JShS (Shymkent MÓZ-i), sondai-aq «CASPI BITUM» BK» JShS bitým zaýyty.
«2020 jylǵy sáýir aiynda munai ónimderiniń negizgi túrlerine suranys avtobenzin men dizel otynyna 40, al aviatsiialyq otynǵa 70 paiyzǵa aitarlyqtai tómendedi. Bul munai óńdeý zaýyttaryna munai jetkizýshilerinen kelip túsetin ótinimder dinamikasyna jasalǵan taldaýdyń nátijesimen rastalyp otyr. Qoimalarda munai ónimderiniń shamadan tys jinalyp qalýyn boldyrmaý úshin Atyraý, Pavlodar jáne Shymkent MÓZ-derinde munai óńdeý men munai ónimderin shyǵarý kólemderi eń tómen deńgeige deiin azaityldy. Zaýyttar óz qyzmetin jalǵastyrýda», - delingen taratylǵan aqparatta.
