Qazaqstanda janarmai quiý beketterinde benzin baǵasy taǵy kóterildi. Bul sońǵy birneshe kúnde janarmai quny orta eseppen 5-10 teńgege qymbattaǵanyn kórsetedi.
Eń tanymal janarmai quiý beketteriniń resmi saitynda baǵa Nur-Sultanda AI-92 – 168-177 teńge, AI-95-tiń litri – 188-197 teńge, al AI-98 – 186-220 teńge aralyǵynda dep kórsetilgen.
Ońtústik astanada AI-92 – 165-171, AI-95 – 187-200, AI-98 – 191-230 teńgeden satylýda.
Qazaqstannyń basqa qalalarynda AI-92 janarmaiynyń baǵasy 175 teńgeden aspaidy. AI-95 baǵasy – 185-ten 200 teńgege deiin bolsa, AI-98 – 175-205 teńgeden saýdalanady.
Qazaqstanda benzin baǵasynyń kóterilýine qatysty jaǵdai sáýirdiń basynda baiqaldy. Al tutynýshylar baǵanyń ósýine ǵana emes, janarmaidyń jetispeitindigine de shaǵymdanýda.
Aita keteiik, buǵan deiin energetika ministrligi biliktiń janarmai baǵasyn nege rettemeitinin túsindirgen. Sondai-aq ministrlik ókilderi baǵany retteý men "arzandatylǵan" munai ónimderin taratý júiesin qurý tiimdi emes, kerisinshe, shyǵyny kóp ádis ekendigin atap kórsetken.
Sonymen qatar, sala mamandary janarmai tapshylyǵy bolmaidy dep sendirip baqty. Olardyń málimeti boiynsha AI-92 benzininiń jalpy qory elde jetkilikti deńgeide. Naqtylap aitqanda, qabyldanǵan sharalardyń arqasynda jyl basymen salystyrǵanda qor kólemi shamamen 60 myń tonnaǵa artyp, 270 myń tonnany quraidy.
2021 jyldyń 1 mamyryndaǵy janarmai baǵasy (Nur-Sultan qalasy)
