Qazaqstanda benzin baǵasy tómendeýi múmkin. Bul týraly QR energetika ministri Qanat Bozymbaev Ortalyq kommýnikatsiialar qyzmeti brifinginen keiin jýrnalisterge bergen suhbatynda málimdedi, - dep habarlaidy "Ult aqparat".
"Benzin tapshylyǵy joq. Meniń oiymsha, benzin baǵasy tómendeýi múmkin, sebebi Qazaqstanda benzin jetip artylady", - dedi ministr jýrnalister suraǵyna.
Aita keteiik, Ortalyq kommýnikatsiialar qyzmetindegi «Halyq barysy» respýblikalyq týrniriniń bastalýyna arnalǵan baspasóz máslihatynan keiin BAQ ókilderi ministrge Qazaqstan fermerler odaǵynyń «janar-jaǵarmai tapshylyǵy bolyp, baǵa kóterilýi múmkin» degen alańdaýshylyǵyn jetkizgen bolatyn.
Esterińizge sala ketsek, keshe Shymkent munai óńdeý zaýyty kúrdeli jóndeý jumystaryna toqtatylǵan edi. Zaýyt mamyr aiynda tolyq qýatynda jumys istei bastaidy.
