Ulttyq bank bazalyq mólsherlemeni kóterdi, dep habarlaidy "Ult aqparat" banktiń resmi saityna silteme jasap.
Qazaqstan Ulttyq bankiniń Aqsha-kredit saiasaty jónindegi komiteti bazalyq mólsherlemeni +/– 1,00 p.t. paiyzdyq dálizimen jyldyq 9,50% deńgeiinde belgileý týraly sheshim qabyldady. Tiisinshe ótimdilikti usyný jónindegi turaqty qoljetimdi operatsiialar boiynsha mólsherleme 10,50%, al ótimdilikti alý jónindegi turaqty qoljetimdi operatsiialar boiynsha mólsherleme 8,50% bolady.
"Bazalyq stavkany kóterýdiń birneshe sebebi bar. Birinshiden, álemde azyq-túlik pen shikizat baǵasynyń ósýi ekonomikaǵa proinfliatsiialyq qysym jasap otyr. Onyń elektr energiiasy, gaz ben janar-jaǵarmai baǵasynyń ósýi de kúsheitip otyr. Sodan jyldyq infliatsiia 8,7 protsentke deiin jetti", - delingen resmi habarlamada.
Budan bólek, COVID-19-dyń qaita órshýi álemdegi iskerlik belsendilikti báseńdetip, proinfliatsiialyq protsesterdi kúsheite tústi. Al Halyqaralyq valiýta qorynyń boljamdaryna sáikes, biyl vaktsinalaý men yntalandyrý sharalary nátijesinde álemdik ekonomika tez qalpyna keledi de, 2022 jylda birte-birte baiaýlai bastaidy. Azyq-túlik, shikizat, metaldar men avtokólik baǵasy kóteriledi degen qaýip bar.
Azyq-túlik infliatsiiasy baǵa ósýiniń negizgi qozǵaýshy kúshi bolyp qala beredi: tamyz aiynda onyń kórsetkishi 11,4 protsentke jetken. Al 2021 jylǵy sáýirden bastap infliatsiianyń ortasha ailyq máni sońǵy 20 jyldaǵy ortasha kórsetkishten artyq bolyp tur. Ásirese uzaq saqtalatyn kókónis baǵasynyń kúrt ósýi (kartop – 29,7%, sábiz – 68,2%, qyzylsha – 124,0%) jyldyq infliatsiiany kúsheitip otyr. Jańa egin túskenge deiin ishki qorlardyń sarqylýy jaǵdaiynda bul ónimderge baǵanyń ai saiynǵy ósýi jazǵy kezeńge tán emes rekordtyq mánderdi kórsetti. Jem-shóp daqyldarynyń qymbattaýy saldarynan et pen et ónimderiniń baǵasy da ósti (9,5%-ǵa). Kúnbaǵys maiy (66,8%) men záitún maiy (9,0%) qymbattady.
Al álemdik munai naryǵyn damytý perspektivalary ózgerissiz qaldy.
2021 jylǵy tamyzdyń qorytyndysy boiynsha Brent surypty munai baǵasy delta shtammynyń taralýyna jáne jahandyq ekonomikalyq ósý qarqynynyń baiaýlaýyna bailanysty 4,4%-ǵa tómendedi. AQSh-taǵy munai qory tómendep jatyr. Halyqaralyq energetikalyq agenttiktiń jańartylǵan boljamdaryna sáikes, 2021 jyly munaiǵa suranystyń ósýi buryn boljanǵan kórsetkishten tómen bolady. Jyl sońyna deiin munai naryǵy salystyrmaly túrde teńdestiriledi dep boljanyp otyr. 2021 jyldyń qalǵan ailarynda jáne boljamdy kezeńniń sońyna deiin munai baǵasy bir barrel úshin 60 AQSh dollary bolady.
Jyl sońynda ishki jalpy ónim azdap tómendeidi degen boljam bar. Al 2022 jyly ekonomikanyń ósýi 4,1-4,4 protsentti quraidy.
"Qazaqstan Ulttyq bankiniń aqsha-kredit saiasaty jónindegi komitetiniń bazalyq mólsherleme jónindegi kezekti josparly sheshimi 2021 jylǵdyń 25 qazanynda Nur-Sultan ýaqyty boiynsha saǵat 15:00-de jariialanady", - deidi mamandar.
