Qazaqstanda bailyǵy kúmándi sheneýnikterdi tekseretin zań ázirlenip jatyr. Bul týraly sybailas jemqorlyqqa qarsy is-qimyl agenttiginiń basshysy Marat Ahmetjanov aitty, - dep habarlaidy Tengrinews.kz.
"Biyl Prezidenttiń tapsyrmasymen sybailas jemqorlyqqa qarsy saiasatty damytýdyń 2022-2026 jyldarǵa arnalǵan tujyrymdamasy ázirlenip jatyr. Onyń ishinde revoliýtsiialyq jańashyldyqtyń biri - baiyp ketkeni kúdik keltiretinderdi tekserý. Zań jobasy Parlamentke jiberildi. Shyǵystardyń kiristerden asyp ketýi - qarjylyq tekserýdi nemese tergeýdi bastaý úshin belgi", - dedi Ahmetjanov agenttik brifinginde.
Ol 2018 jyly Qazaqstan qol qoiǵan shottar týraly aqparat almasý týraly halyqaralyq kelisim sheteldegi aktivterdi anyqtaýǵa múmkindik beretinin atap ótti.
"Kelesi qadam - sol aktivterdi qaitarý. Biyl bizge jemqorlardyń kóleńkeli kiristerin sheteldik shottarǵa shyǵarýmen kúresý úshin tiimdi negiz bolatyn eýropalyq konventsiialarǵa qosylý kómektesedi. Mundai sharalar memlekettik qyzmetke baiý maqsatynda kelýdiń aldyn alady", - dedi Ahmetjanov.
