Ulttyq ekonomika ministrligi bank shotynan qolma-qol aqsha sheship alýǵa shekteý engizýdi qarastyryp otyr, dep habarlaidy Sputnik Qazaqstan tilshisi.
Bul týraly búgin úkimet kýlýarynda ulttyq ekonomika ministri Timýr Súleimenov málimdedi. Ol shottan úlken somany sheship alý kóp jaǵdaida jalǵan kásipkerlikpen bailanysty bolýy múmkin, dep sanaidy.
"Qazir bizde qolma-qol aqshany sheship alýǵa shekteý joq. Jeke tulǵa bankke kelip, máselen bir milliard teńge nemese úsh milliard teńgeni sheship ala alady. Kóp jaǵdaida bul qandai da bir shemamen, qolma-qol aqshaǵa ainaldyrýmen bailanysty. Eger bul usynys, iaǵni damyǵan elderdiń tájiribesi bizdiń elde qoldanýǵa jarasa, onda biz muny usynamyz. Sáýirge qarai qandai da bir usynys engizemiz dep oilaimyn", - deidi Súleimenov.
Ol ministrlik atalǵan máseleni óte muqiiat zertteýdi kózdep otyrǵanyn atap ótti. Bul usynys "Atameken" ulttyq kásipkerler palatasymen jáne sarapshylar qaýymdastyǵymen talqylanbaq.
Aita ketsek, búgin úkimet otyrysynda Timýr Súleimenov taýarlardy men kórsetiletin qyzmetterdi satyp alý kezinde qolma-qol esep aiyrysý boiynsha limit belgilenýi múmkin ekenin málimdegen bolatyn. Sondai-aq, aldaǵy ýaqytta jyljymaityn múlik pen kólikti mindetti túrde qolma-qol aqshasyz satý máselesi de qaralmaq.
