QR Densaýlyq saqtaý ministri Aleksei Tsoi «Balalarǵa vaktsina salyna ma?» degen suraqqa jaýap berdi, dep habarlaidy QazAqparat.
«QazVac» boiynsha balalarǵa klinikalyq zertteýler júrgizilgen joq. Qazaqstan zańnamasyna sáikes, balalarǵa klinikalyq synaqtar júrgizýge tyiym salynǵan. Qalǵan vaktsinalarǵa kelsek, ázirleýshilerdiń vaktsinany balalarǵa qoldaný týraly málimetterin kútemiz. Múmkindiginshe el ishinde balalar jasynda qoldanýdy qarastyramyz jáne tiisti sheshim qabyldaimyz», - dep jaýap berdi Densaýlyq saqtaý ministri Ortalyq kommýnikatsiialar qyzmetinde.
