Balalarǵa arnalǵan tólqujat arzan bolýy múmkin, - dep habarlaidy Kaz.tengritravel.kz agenttigi Inform.kz portalyna silteme jasa.
"QazAqparat" málimetterine sáikes, Ulttyq ekonomika ministrligi 16 jasqa deiingi balalarǵa arnalǵan tólqujat úshin memlekettik bajdy 8 AEK-ten 4 AEK-ke deiin azaitý bóliginde túzetýlerdi qarastyrǵan zań jobasyn ázirledi.
Qujatta Kodekstiń 615-babynda 16 jasqa deiingi balalarǵa 4 AEK mólsherinde pasport bergeni úshin memlekettik baj belgileý bóliginde túzetýler engizilgen. Eger túzetýler qabyldansa, onda balalar tólqujaty 12 252 teńge turady.
Ulttyq ekonomika ministrliginde bul túzetýler eń aldymen balalardyń tólqujat alý kezinde ata-analardyń shyǵyndaryn azaitýǵa baǵyttalǵanyn atap ótti. Qazirgi ýaqytta joǵaryda atalǵan zań jobasy Májiliske qaraýǵa engizildi.
Ulttyq ekonomika ministrligi zań jobasy jumys tobynda talqylanýda dep qosty. Qashannan bastap engiziletini belgisiz, 2024 jyldan bastap bolýy múmkin.
