Foto: QR DSM
Qazaqstan Respýblikasynda jyl saiyn balalar arasynda 800-den astam onkologiialyq jáne gematologiialyq aýrýlardyń alǵashqy jaǵdaiy anyqtalady, olardyń shamamen 600-i qaterli isikterge, sonyń ishinde gemoblastozdarǵa, al 200-ge jýyǵy aýyr sipattaǵy qatersiz gematologiialyq patologiialarǵa tiesili, dep habarlaidy Ult.kz.
Sońǵy 10 jyl ishinde balalar arasyndaǵy qaterli jańa óskinderge shaldyǵý deńgeii turaqty saqtalyp otyr jáne 100 000 balaǵa shaqqanda 9,7 jaǵdaidy quraidy.
Qaterli isikter qurylymy halyqaralyq derektermen uqsas:
- • jedel leikozdar — 30%-dan astam,
- • ortalyq júike júiesiniń isikteri — shamamen 17%,
- • limfomalar men nefroblastomalar — 10–11%,
- • neiroblastomalar — shamamen 7%.
Immýnoterapiia men targettik terapiiany qosa alǵanda, zamanaýi emdeý ádisterin engizýdiń nátijesinde Qazaqstanda balalar arasyndaǵy qaterli isikterden aman qalý kórsetkishi 70%-dan asady.
Sońǵy 5 jylda 40-tan astam bala neiroblastoma, limfoma jáne leikozdy emdeýde monoklonaldy antidenelerge negizdelgen innovatsiialyq dárilik preparattar alǵan.
Gemopoetikalyq baǵanaly jasýshalardy (GBJ) transplantatsiialaý elimizdiń jetekshi pediatriialyq ortalyqtarynda alǵash ret júrgizilgen kezden bastap Qazaqstanda barlyǵy 515 transplantatsiia jasaldy, onyń ishinde:
- • 230 allogendi,
- • 205 aýtologti,
- • 80 gaploidenttik transplantatsiia.
2012 jyldan beri jumys istep kele jatqan Qazaqstan-Resei gistotiptelgen donorlar tirkeliminiń keńeiýiniń nátijesinde týystyq emes allogendi transplantatsiialardyń sany artyp keledi. Qazirgi tańda tirkelimde 12 000-nan astam donor tirkelgen, olardyń 13-i qazaqstandyq balalarǵa donor bolǵan. Sondai-aq Germaniia, Resei jáne Polsha donorlarynyń qatysýymen 28 transplantatsiia júrgizildi.
Ortopediialyq onkologiia salasynda da oń dinamika baiqalady: elimizde súiek isikteri bar balalarǵa býyndardy endoprotezdeý tabysty júzege asyrylýda. Bul rette 3D-modeldeý tehnologiiasy jáne kishi jastaǵy balalarǵa arnalǵan «ósetin» protezderdi ornatý ádisteri engizilýde.
Sonymen qatar, ári qarai damytýdy qajet etetin mańyzdy baǵyttar mynalar:
- • onkogematologiialyq aýrýlardan keiin balalarǵa kórsetiletin keshendi ońaltý kómegi,
- • aýyr ári ota jasaýǵa kelmeitin qaterli isikteri bar patsientterge arnalǵan balalarǵa palliativtik kómek júiesi.
