«Qazaqstan Halyq partiiasy» fraktsiiasynyń depýtattary bala kútimi boiynsha járdemaqyny ulǵaitýdy usyndy, dep habarlaidy "Ult aqparat".
«Analar men olardyń balalaryna qamqorlyq jasaý – elimizdegi memlekettik saiasatynyń ajyramas bóligi. Júktilik – áiel ómirindegi mańyzdy kezeńderdiń biri. Bala kóterýdiń qiyndyǵy bir bólek te, sonymen birge jaýapty mindet. Áiel jańa týǵan nárestege qamqorlyq jasaýy kerek. Sondyqtan dekretke shyǵady. Al bosanǵannan keiin 1 jastan 3 jasqa deiin nárestege qamqorlyq jasaidy. Kórsetilgen kezeń boiy ol jumys istei almaidy. Úsh jasqa deiin balalar únemi baqylaýdy qajet etedi. Sonymen qatar osy kezeńde ata-analar eń úlken qarjylyq shyǵyndarǵa tap bolady. Óitkeni qazirgi ýaqytta tolyqqandy otbasynda tek ákesi ǵana jumys isteidi», - dep toqtaldy depýtat Aijan Sqaqova Premer-Ministrdiń orynbasary Eraly Toǵjanovtyń atyna joldaǵan depýtattyq saýalynda.
«Qazaqstan Halyq partiiasy» fraktsiiasy ókilderiniń atap ótýinshe, memleket tarapynan bala týýdy yntalandyrýǵa, sonymen qatar deni saý jas urpaqty tárbieleýge jaǵdai jasaýǵa ekpin qoiylýy kerek. Sondyqtan materialdyq qoldaý nazarǵa alynady.
Onyń sózine qaraǵanda, Qazaqstan Respýblikasynda bala kútimi jónindegi áleýmettik tólem ol bir jasqa tolǵanǵa deiin ǵana qoldanylady, al júktiligi jáne bosanýy boiynsha áleýmettik tólem tabysty joǵaltýǵa bailanysty jumys isteitin áielderge ǵana eseptelgen.
Joǵaryda keltirilgen faktilerdi eskere otyryp, A. Sqaqova mynalardy usyndy:
- Eń tómengi kúnkóris deńgeiine deiin bala kútimi boiynsha járdemaqyny ulǵaitý;
- Aqyly dekrettik demalys kezeńin 1 jastan 2 jasqa deiin arttyrý, óitkeni bul balany mektepke deiingi mekemege qabyldaýdyń ońtaily jasy;
- Balanyń tolyqqandy damýy úshin barlyq aspektilerdi, onyń ishinde tamaq ónimderin, gigiena quraldaryn jáne damý ortalyqtaryna kirý múmkindigin eskeretin jeke obektivti balalar tutyný sebetin ázirleý.
