«قازاقستان حالىق پارتيياسى» فراكتسيياسىنىڭ دەپۋتاتتارى بالا كٷتٸمٸ بويىنشا جەردەماقىنى ۇلعايتۋدى ۇسىندى, دەپ حابارلايدى "ۇلت اقپارات".
«انالار مەن ولاردىڭ بالالارىنا قامقورلىق جاساۋ – ەلٸمٸزدەگٸ مەملەكەتتٸك ساياساتىنىڭ اجىراماس بٶلٸگٸ. جٷكتٸلٸك – ەيەل ٶمٸرٸندەگٸ ماڭىزدى كەزەڭدەردٸڭ بٸرٸ. بالا كٶتەرۋدٸڭ قيىندىعى بٸر بٶلەك تە, سونىمەن بٸرگە جاۋاپتى مٸندەت. ەيەل جاڭا تۋعان نەرەستەگە قامقورلىق جاساۋى كەرەك. سوندىقتان دەكرەتكە شىعادى. ال بوسانعاننان كەيٸن 1 جاستان 3 جاسقا دەيٸن نەرەستەگە قامقورلىق جاسايدى. كٶرسەتٸلگەن كەزەڭ بويى ول جۇمىس ٸستەي المايدى. ٷش جاسقا دەيٸن بالالار ٷنەمٸ باقىلاۋدى قاجەت ەتەدٸ. سونىمەن قاتار وسى كەزەڭدە اتا-انالار ەڭ ٷلكەن قارجىلىق شىعىندارعا تاپ بولادى. ٶيتكەنٸ قازٸرگٸ ۋاقىتتا تولىققاندى وتباسىندا تەك ەكەسٸ عانا جۇمىس ٸستەيدٸ», - دەپ توقتالدى دەپۋتات ايجان سقاقوۆا پرەمەر-مينيستردٸڭ ورىنباسارى ەرالى توعجانوۆتىڭ اتىنا جولداعان دەپۋتاتتىق ساۋالىندا.
«قازاقستان حالىق پارتيياسى» فراكتسيياسى ٶكٸلدەرٸنٸڭ اتاپ ٶتۋٸنشە, مەملەكەت تاراپىنان بالا تۋۋدى ىنتالاندىرۋعا, سونىمەن قاتار دەنٸ ساۋ جاس ۇرپاقتى تەربيەلەۋگە جاعداي جاساۋعا ەكپٸن قويىلۋى كەرەك. سوندىقتان ماتەريالدىق قولداۋ نازارعا الىنادى.
ونىڭ سٶزٸنە قاراعاندا, قازاقستان رەسپۋبليكاسىندا بالا كٷتٸمٸ جٶنٸندەگٸ ەلەۋمەتتٸك تٶلەم ول بٸر جاسقا تولعانعا دەيٸن عانا قولدانىلادى, ال جٷكتٸلٸگٸ جەنە بوسانۋى بويىنشا ەلەۋمەتتٸك تٶلەم تابىستى جوعالتۋعا بايلانىستى جۇمىس ٸستەيتٸن ەيەلدەرگە عانا ەسەپتەلگەن.
جوعارىدا كەلتٸرٸلگەن فاكتٸلەردٸ ەسكەرە وتىرىپ, ا. سقاقوۆا مىنالاردى ۇسىندى:
- ەڭ تٶمەنگٸ كٷنكٶرٸس دەڭگەيٸنە دەيٸن بالا كٷتٸمٸ بويىنشا جەردەماقىنى ۇلعايتۋ;
- اقىلى دەكرەتتٸك دەمالىس كەزەڭٸن 1 جاستان 2 جاسقا دەيٸن ارتتىرۋ, ٶيتكەنٸ بۇل بالانى مەكتەپكە دەيٸنگٸ مەكەمەگە قابىلداۋدىڭ وڭتايلى جاسى;
- بالانىڭ تولىققاندى دامۋى ٷشٸن بارلىق اسپەكتٸلەردٸ, ونىڭ ٸشٸندە تاماق ٶنٸمدەرٸن, گيگيەنا قۇرالدارىن جەنە دامۋ ورتالىقتارىنا كٸرۋ مٷمكٸندٸگٸن ەسكەرەتٸن جەكە وبەكتيۆتٸ بالالار تۇتىنۋ سەبەتٸن ەزٸرلەۋ.
