QR Aqparat jáne qoǵamdyq damý ministrliginiń qoldaýymen biylǵy 12 qazan - 13 qarasha aralyǵynda BAQ ókilderine arnalǵan onlain-oqytý kýrstary ótedi, dep habarlaidy "Ult aqparat".
BAQ ókilderi úshin biliktilikti arttyrý kýrstaryn jáne onlain-treningter seriiasyn «Almaty Nomad «Saiahatshylar klýby» qoǵamdyq birlestigi men Armanjan Baitasovtyń Media mektebi uiymdastyrýda.
«Qarjy, quqyq, meditsina, dini, sondai-aq tsifrlandyrý salalaryndaǵy problemalyq máseleler boiynsha aqparatty halyqqa jetkizý tiimdiligin arttyrý» atty áleýmettik joba QR Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý ortalyǵy» KEAQ-tyń memlekettik granty aiasynda júzege asyrylýda.
Jobanyń maqsaty – halyqty osy salalarda shynaiy aqparatpen qamtamasyz etý úshin BAQ ókilderiniń qarjylyq, quqyqtyq, meditsinalyq, dini, tsifrlyq saýattylyǵyn arttyrý», - delingen ministrlik málimetinde.
Jobanyń trenerleri – otandyq jáne sheteldik jetekshi media sarapshylar: «Forbes Kazakhstan» baspageri Armanjan Baitasov, QR Densaýlyq saqtaý ministrliginiń resmi ókili Baǵdat Qojahmetov, Forbes.kz portalynyń bas redaktory Anastasiia Novikova, qoǵam qairatkeri jáne pýblitsist Dana Ormanbaeva, «Ksell» AQ atqarýshy direktory Kaspars Kýkelis, KIMEP janyndaǵy Quqyq mektebiniń professory, zańger Aidar Egeýbaev, «Takie Dela» media jobasynyń bas redaktory Sergei Karpov (Resei), Voice of America orys jańalyqtar qyzmetiniń redaktory Aleksei Gorbachev (AQSh) jáne basqalary.
Oqytý kýrstary ZOOM alańynda kún saiyn saǵat 18.00-den 21.00-ge deiin kelesi baǵyttar boiynsha ótedi:
1) 12-16 qazan – qarjy salasyndaǵy oqytý kýrstary;
2) 19-23 qazan – quqyqtyq saladaǵy oqytý kýrstary;
3) 26-30 qazan – meditsina salasyndaǵy oqytý kýrstary;
4) 2-6 qarasha – dini saladaǵy oqytý kýrstary;
5) 9-13 qarasha – tsifrlandyrý salasyndaǵy oqytý kýrstary.
Oqytý kýrstaryna siltemelerdi Facebook, Instagram, Telegram, Youtube áleýmettik jelilerindegi @mediatrainingkz paraqshasynan, sondai-aq seriktesterdiń saittarynan tabýǵa bolady. Barlyq qatysýshylar sertifikattarmen marapattalady.
Barlyq suraqtar boiynsha +77055777080 telefon nómirine habarlasýǵa bolady.
