Qazaqstanda azyq-túlik baǵasy bir jylda, iaǵni 2019 jylǵy tamyz ben 2020 jylǵy tamyz aralyǵynda 10,9% qymbattady, dep habarlaidy "Ult aqparat".
QR Ulttyq ekonomika ministrligi Statistika komitetiniń málimetin sáikes, elimizde bir jylda nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, mai jáne tońmai, konditerlik ónimder, jemister jáne jańa jinalǵan kókónister, kartop, alkogolsiz sýsyndar jáne alkogoldi ishimdikter qymbattady. Baǵa tek qantqa tómendegen.
Atap aitqanda, 2020 jylǵy tamyzda súiegi bar jylqy etine ortasha baǵa kelisine 2210 teńgeni (2019 jylǵy tamyzda – 1933 teńge), súiegi bar qoi etine – 1940 teńgeni (1648 teńge), siyr etiniń jaýyryn-tós bóligine – 1909 teńgeni (1713 teńge), shoshqa etiniń jaýyryn bóligine – 1567 teńgeni (1416 teńge), taýyqtyń san etine 821 teńgeni (812 teńge) qurady.
Qanttyń ortasha baǵasy biylǵy tamyzda kelisine 211 teńge boldy. Byltyrǵy tamyzda ol 233 teńge turǵan edi.
Sondai-aq 2020 jylǵy tamyzda sábizge ortasha baǵa kelisine 122 teńgeni (2019 jylǵy tamyzda – 147 teńge), kartopqa – 117 teńgeni (111 teńge), basty piiazǵa 92 teńgeni (129 teńge), aq qaýdandy qyryqqabatqa 88 teńgeni (100 teńge) qurady.
